“Komxebata Perspektîfanê Serê Ameyoxî û Rayîrê Bihêzkerdişê Yewîya Kurdan” hetê Merkezê Cigêrayîşan ê Firatî ra ameye kerdene. Komxebate de Sûrîye de rol û yewîya kurdan ameyî nîqaşkerdene.
“Komxebata Perspektîfanê Serê Ameyoxî û Rayîrê Bihêzkerdişê Yewîya Kurdan” hetê Merkezê Cigêrayîşan ê Firatî ra Qamişloyê Rojawanê Kurdîstanî de ameye kerdene. Komxebate de Sûrîye de rol û yewîya kurdan ameyî nîqaşkerdene.
Roniştişê verênî de nuştox û Endamê Partîya Demokrasî ya Kurdan a Sûrîye Faris Osmanî qisey kerd û pare kerd ke kurdî verê cû Sûrîye de ameyêne înkarkerdene la hinî parçeyê Sûrîye yê.
Serekê ENKS’î Mihemed Îsmaîlî ard ziwan ke heta ke Sûrîye de meseleya kurdan çareser nêba aramîye do nêra.
Endamê Merkezê Cigêrayîşan ê Firatî Çinar Salihî îfade kerd ke şar giranîye dano yewîye.
Roniştişê diyînî de Merkezê Cigêrayîşan ê Firatî ra Fadil Mihemedî vat ka ganî îdare û pênaseyê ‘dewleta Sûrîye’ bêro vurnayenene.
Endama Rêxistina Şemse Nûra Xelîl vat ke ganî mîyanê komelî de rolê cinîyan bêrê bihêzkerdene.
Dezgehê Çapemenîye yê Nûdemî ra Mesûd Hamidî vat ke ganî şar derheqê Konferansê Yewîye de bêro agahdarkerdene.
Roniştişê hîrêyînî de Ofîsê Karanê Têkilîyan ê MSD’yî ra Hesen Mihemed Elîyî da zanayene ke Konferansê Tewirî yê Rojawanî rolê ‘kongreya neteweyîye’ ard ca.
Hemserekê Konseya Ekonomî ya Îdareyê Xoserî Şewqî Mihemedî pare kerd ke sîstemê ‘merkezî’ hetê ekonomî ra zî xirab û û modelê sey Îdareyê Xoserî seba ekonomî sîstemo tewr raşt o.
Avûkat Musa Musayî vat ke ganî heqê kurdan Qanûnê Bingeyî de bêrê pawitene.
Komxebate bi dayîşê sipasnameyan qedîyaye.
