Cemîl Bayikî îfade kerd ke qasê coş û kelecanê ronîyayîşê PKK’yî, qerarê qedênayîşî zî heman coş û kelecanî dana û vat: “Ez reyna bêra dinya ez do reyna Rayber Apoyî xo rê esas bigêra.”
Kongreya PKK’yî ya 12. mabênê 5 – 7ê gulane de Herêmanê Pawitişî yê Medya de amebî kerdene.
Hemserekê Konseya Rayberdişî yê KCK’yî Cemîl Bayikî hîsê xo yê serê qeraranê kongre de wina îfade kerdê:
“Seke embazî zanenê destpêkê nê têgêrayîşî ra ez mîyanê ci de ya. Embaz Kemal Pîrî ez bi Rayber Apoyî dabi şinasnayene. Heta ke mi Rayber Apo şinasna mi ne Kurdîstan ne şarê kurdî fam kerdibî. Dima ke mi o şinasna û tede qisey kerd şarê kurdî fam kerd. Coka destpêkî ra nata mi Rayber Apo xo rê esas girewt.
Rayraşîyayîşê mi sey zerrîya Rayber Apoyî bo zî, xeylê kêmasî û şaşîyê mi est bê zî qetî mi apey game nêeşte. Mi waşt le kêmasîyî werte ra wedarna û layîqê Rayber Apoyî biba.
Wexto ke mi Rayber Apo şinasna, kelecan û coşêko pîl mi de virazîya. Wexto ke PKK awan bi zî eyn coş û moralî mi de virazîya.
Ma nika kongreyêke kenê. Na kongre de fesihkerdişê PKK’yî û qedênayîşê têkoşînê çekdarî ser o ma qerarî girewtî. Ez sey ronayoxêkê nê têgêrayîşî ney ra kelecan gêna. Çunke ez Rayber Apoyî hol fam kena. Her gama ey seba şarê ma, têgêrayîşê ma, merdimîye bi serkewtişî netîce daye. Dinya de bawerîya bi Rayber Apoyî pîlêr bena. Senî ke mi bi şinasnayîşê Rayber Apoyî xo şinasna û rayraşîyayîşê xo ey reyde domna; ez reyna bêra dinya ez do reyna Rayber Apoyî xo rê esas bigîra. Ez eşkena bi kilmî naye vaja; Bijî Rêber Apo, bijî PKK.”
