PKK’î komkerdişê kongreya xo ser beyanat da û dîyar kerd ke mabênê tarîxanê 5-7ê gulane de Herêmanê Pawitişî yê Medya de kongreya xo bi serkewtişî ama kerdene û qerarêke konreya 12. de girewtî wextê kilmî de rayrapêroyîye de pare bikerê.
27ê Sibate Rayberê Şarê Kurdî Abdullah Ocalanî beyanatêko sey manîfesto şarî reyde pare kerd û PKK’î ra zî vengê çekveradayîşî da. Na roje ra heta nika rojeva Tirkîya bedilya. Vengdayîşê Aştî û Komelê Demokratîkî ra pey PKK’î zî dîyar kerd ke ê do vengdayîşê Rayberê xo ser qerarê komkerdişê kongreye bigê. Ewro zî PKK’î qerarê xo yê komkerdişê kongreye ser agahî da û va ke înan bi serkewtiş kongreya xo kom kerda.
Beyanatê komkerdişê PKK’î wina yo:
“’Mabênê tarîxanê 5-7ê gulane de Herêmanê Pawitişî yê Medya de kongreya xo bi serkewtişî ame kerdene. Vat ê qerarêke konreya 12. de girewtî wextê kilmî de rayrapêroyîye de pare bikerê. Heme waranê xebete ra delegeyî tewrê kongre bîyî. Kongre di waranê cîyayan de bi hewayêkê hemwextî ameye kerdene.
Kongreya 12. ya PKK’yî bi vengdayîşê Rayber Abdullah Ocalanî ameye kerdene. Kongre de Rayber Apo bi heskerdiş û hurmetî ame selamkedene û perspektîf û pêşnîyazê ci ameyî wendenê û erjnayene. Reyna raporê Komîteya Merkezî ya PKK’yî zî kongre de ame wendene û munaqeşekerdene.
Na çarçewe de Kongreya 12. ya PKK’yî çarçeweya vengdayîşê Rayber Apoyî de derheqê xebetanê PKK’yî de qerarê tarîxî ameyî girewtene. Kongreya PKK’yî ya 12. ya ke Menga Şehîdan a Gulane de ameya kerdene, pêro şehîdê nê têkoşînê 52 serran bi heskerdiş, minet û rêzî yad kerdî. Kongre venga şarê ma yê welatperwerî û hêzanê demokratîkan û sosyalîstan da ke sere de şehîdanê ma wayîrê pêro erjanê neteweyî û demokratîkan ê nê têkoşînê pîlî yê 52 serrî vejîyê, nînan bîyarê ca û bidê caardene.
Kongreya PKK’yî ya 12ine şehîd Sirri Sureyya Onder bi minet û rêzî yad kerd ke amadekerdişê na kongre de o zî kedkaran ra yew bi. Kongre venga pêro kesan da ke seba ke armancanê komelê demokratîkî û haştîye yê nê merdimê ercîyayeyî û hemrayê Rayber Apoyî yê 12 serrî ser bivisnê pîya bixebitê. Agahî û belgeyê hîrayî û netîceyê Kongreya PKK’yî ya 12ine dima ke netîceyê di waranê cîyayan bêrê yewkerdene, wextêkê nêzdîyî de do rayaumûmîye de bêrê parekerdene.
Nê esasî ser o şexsê şehîdê ma yê verênî yê pîlî Hakî Karerî de ma pêro şehîdanê xo yê qehremanan bi rêz û minetî yad kenê. Ma venga şarê ma yê welatperwerî û dostanê ma yê demokratîkan danê ke her ca de şehîdanê ma yad bikerê û seba azadîya fîzîkî ya Rayber Apoyî têkoşînî pîlêr bikerê!
Şehîdî Nêmirenê!
Biciwîyo Rayber Apo!”
