Parlamentera DEM Partî Newroz Uysal Aslan dîyar kerd ke azadîya girewteyan bi hewayêko keyfî yena binpaykerdene.
Parlamentera Şirnexî ya DEM Partî Newroz Uysal Aslan Meclîs de kombîyayîşê çapemenî organîze kerd û bale ant binpaykerdişê heqanê merdiman ser o ke hepisxane de yê.
Newroz Ûysal îfade kerd ke Desteyê Çimdarî û Îdareyî bi hewayêko serûber girewteyanê sîyasîyan ser o zilm kenê û vat ke no deste bi hewayêko neqanûnî û nedestûrî azadîya merdiman binpay kenê.
Newroz Ûysal Aslan dîyar kerd ke Hepisxaneyê Aksarayî yê Tîpê T’yî de girewteyêko tena zî nêkewto ‘qerarê rewşa nebaş’ ver û nê semedî ra zî veradayîşê înan bi hewayêko keyfî yeno astengkerdene. Newroz Uysal îfade kerd ke deste persanê sîyasîyan girewteyan ra perseno, sey mehkema têgêreno û no proses bedilîyayo rewşêka muhakemekerdişî. Newroz Uysal nê semedî ra zî waşt Desteyê Çimdarî û Îdareyî bi lez bêrê hewanayene.
Newroz Uysal Aslan eynî wextî de bale ant tecrîdo giran ê hepisxaneyê tîpanê Y û S’î ser o û îfade kerd ke girewteyê ke nê hepisaxaneyan de yê grevê vêşanîye de yê û ganî nê hepisxaneyî bêrê girewtene.
