Şarê Mexmûrî vera ambargo û zilmê Iraqî yê kampî ser o, rayîrşîyayîşêk organîze kerd.
Di serrî ra vêşêr o ke nasnameyê koçberanê Wargehê Koçberan ê Mexmûrî nêyenê newekerdene. Nê semedî ra xeylê reyan rayîranê şîyayîş û ameyîşî de seba şarê wargehî problemî yenê vetene. Eynî wextî de 10ê nîsane ra nuqteya kontrolî ya dekewtişê wargehê ke hetê hêzanê leşkerî yê Iraqî ra yenê kontrolkerdene, nêverdanê kel û pelî awanîsazan bikewê wargeh. Her ke şono zilm û ambargoyî wargehê ser o yenê girankerdene.
Welatijê Wargehê Koçberan ê Mexmûrî vera zilm û ambargoyî wargehê ser o, vejîyayê qadan. Bi seyan welatijê Mexmûrî vernîya Sazgehê Keyeyanê Şehîdan dest bi rayîrşîyayîşî kerd.
Şarê Mexmûrî nika vernîya bendê kontrolî yê hêzanê leşkerî yê Iraqî vindertê û sloganî “Bijî berxwedana Mexmûrî / Biciwîyo xoverdayîşê Mexmûrî” vanê.
Goreyê agahîyan; nika welatijî hewl danê ke heyetêk reyde pêvînayîş bikerê. Reyna yeno zanayene ke do uca eşkerayîyêk bêra dayene.
