Saîd Elçî tarixa Kurdistanî de wayîrê cayê de giranî yo. Elçî sera 1971 de ke hîna nîyamebî kiştiş sekreterê umûmî ê T-KDPî bî. Mergê eyî ser zaf gengeşî estê. Kitabê Dr. Nurettîn Beltekînî bale anceno serê na tarixe û wazeno roştî bikero.
Saîd Elçî tarixa Kurdistanî de wayîrê cayê de giranî yo. Elçî sera 1971 de ke hîna nîyamebî kiştiş sekreterê umûmî ê T-KDPî bî. Mergê eyî ser zaf gengeşî estê. Kitabê Dr. Nurettîn Beltekînî “Said Elçî-Bir Misyon Bir Lider” bale anceno serê na tarixe û wazeno roştî bikero.
Fûarê Kitaban ê Amedî de Nuştox Nurettîn Beltekîn zî bî û çend persê ma ciwab kerdî.
Beltekînî seba sebebê nuştena kitabê xo nîya vat: Saîd Elçî tarix ma nêzdî de yo aktoro zaf girano, muhîmo. Her çend mergê ey ser yo gengeşî esta. Na gengeşî bîya sebebê famnêkerdîşê ey. Coka mi waşt ke kilmekî no senîn yo aktoro. No aktorîyê ey ma binê zelal bikerê. Waxtê ey, rolê ey o waxti de senên bî. Kilmekî mi waşt ke cîwanê ma ê nêwî -pîrê ma zafêrî zanê, xebatê îra xeberdarê, pîya xebetîyê, ey zanê xo ra- lê cîwanî ma nêzanê Saîd Elçî kamo, sekerdo?
Mi waşt ez kilmekî rolê ey vecî meydan û bidî naskerdiş. Saîd Elçî yo waxtê de zaf kirîtikî de amo. Waxto ke o amo yo bêvengîye esta. Lîteraturê ilmanê cemaatkî de vanê “waxto bêvengî” yanê fetret. Fetret semedê kurdan de yo vengê kurdan çînîyo. Kurd badê sarewederdiştan pêro amê kiştîş. Hareketê kurdan şikîyayê û kesoke kurdan eşkera mudefa bikero nêmendo yanê. Feqet Saîd Elçî no waxto kirîtîk de o baro giran gureto ser xo mil û bi eşkera mahkemeyande, her platform de, mîtîngan de, partîyan de mudefayê kurdan kerda û dawayê kurdan newe ra viraşta. Çike o mirasê kurdan badê sarewedardîşan yo bêvengîye de vîndi bî. Eyî û ambazanê eyî newera o mîraso verên organîze kerd no waxto newe ra ard kerd yo dawaya sîyasî.”
Ziwan eleqe wazeno, eleqe ziwanî kena pîl
Beltekînî derheqê fûarî û nêzdîbiyena şarî de zî va ke: “Fûar bi xo yo mîhrîcana, mîhrîcana kitabana. Nuştox û wendoxî resenê pê û weşanxanî xo resnenê wendekaranê xo. Coka semedê her kesî yo kelecanê ko girano. Coka zaf muhima, girana. Yo mudo dergide Diyarbekir de, Kurdistani de fûarî nêbenê semedê ke tayê astengî bî. Nika hêdî endî dest pê kerdo. Nê weşanxaneyî, nuştox û wendoxî endî resenê pê. Yo enerjî virazîyo. Şima zî vênenê dekerde yo. Xusisan na mîhrîcane de weşanxaneyê kurdî-kirdkî gelêk bi hêzê. Îtîya zafane înan eleqa mi anto ci. Wendekarî zî eleqa mojnênê xebatanê înan. Seke şima zanê Tirkîye de yo qrîz esta, qrîza aborî ya û zafane şarê ma hêzê xo ê ekonomik vîndî kerdo. Rêna zî yo eleqawo pîl esto. Nika hetê zazakî ra ma eşkenê vacim her roj kitabê zazakî zêde benê. Verî teyna ma vacim Weşanxaneya Vateyî no kar kerdêne. Ma ewro her ca ra vênenê ke kitabê kirdki-kirmanckî zêde benê. Û yo lîteraturo pîl vecîno meydan. No semedê ma zaf balkeşo û zaf ercayî yo. Semedê ameyoxê ziwanê ma, lehçeyê ma yo imkano ke pîlo. Coka ez hêvîdara.”
Dr Beltekînî peynîya vatena xo de veng da va “Ez îtîyara bi wesîleyê şima wazena veng bidî pêro kirdan-kirmancan ey eleqayê bimojnê weşanxaneyanê kirdkî kirmanckî, kitabanê înan biwanê, romananê înan biwanê, şîîranê înan biwanê. Xususan eyê ke akademîsyenê, bi kirdkî bi kirmanckî gelek tezî estê ewro, eşkenê înan biwanê. Şima zî zanê heta eleqa nêbo xebat zî pîl nêbeno.”
