Platformê Weşî yê Amedî û Şaxê SES’î yê Amedî bi wesîleya Roja Têkoşînî ya Verba Tundî ya Warê Weşîye û serrgêra qetilkerdişê Doktor Ersîn Arslan ser o, beyanat da û hêrişî ser doktoran şermezar kerd.
Platformê Weşî yê Amedî û Şaxê SES’î yê Amedî bi wesîleya “Roja Têkoşînî ya Verba Tundî ya Warê Weşîye” û serrgêra qetilkerdişê Doktor Ersîn Arslan ser o, verê Nêweşxaneyê Cigêrayîşî yê Amedî de beyanat dayê. Platformî derheqê kiştişê Doktor Arslan ê ke 2012î de Dîlok de ameybî kiştiş, bertekê xo ardî ziwan.
Beyanat ra temsîlkar û rayberîyê Şaxê SES’î yê Amedî, Odeya Tabîban a Amedî, Odeya Doktorê Dindanî ya Amedî, Komeleya Derûnasê Mezopotomyayî (DER-MEZ) ke pêrabesteyê platformî yê û kedkarê weşî beşdar bîyê. Verê beyanatî doktoran pankarto bi nuşteyî “Ma nêwazenî bimrî, ma wazenê biciwî û merdiman sax bikî” akerdî û dirûşmeyê “Ma do bi xoverdayîşî bi serbikewê” berz kerdê.
Dima Serekê Odeya Doktaran a Amedî Veysî Ulgen qise kerd û dîyar kerd ke 13 serrê vere embazêkî înan hêriş de cuya xo da: “Ma wazenê makezagon bêrê bedilnayîş û sûcdar êdî bêrê dariznayîş.”
Sekretara Cinîyan a Şaxê SES’î Îlknur Ayîk beyanat wend û wina va: “Ma tundîya verba doktoran qebul nêkenê. Ma tundîya ser doktoran û komelî qebul nêkenê. Ma rayberîya nêweşxaneyî, merdime nêweşan ra raştî tundî yenê. Destilatdar seba kêmaneyanê xo binimo, ma keno hedef. Wa her kes heqê xo yê sereke bi dest biko. Heta ke tundî bibo, xoverdayîşê doktoran zî do bibo, ma doz danê ke seba awankerdişê pergalêkî seba menfaetê şar û kedkarê doktoran xoverdayîşê xo berz bikerê. Heta ke ma heqê xo bi dest bikê, ma do têkoşînê xo bidomnê.”
