Ciwananê Qamişloyî ard ziwan ke ê qerardar ê ke vera hêrişanê îşxalî yê Dewleta Tirk yê vera Şehba û Til Rifetî erdê xo bipawê û seba paştdayîşî veng da
Ciwananê Qamişloyî derheqê hêrişanê Dewleta Tirk ya îşxalkere û xoverdayîşê şarî de ANFyî rê qisey kerd.
Ciwan Cûdî Îbrahîmî pare kerd ke hêrişanê Dewleta Tirk ra şarê Efrîn-Şehba ancî koçber bîyo û vat: ”Ma nê hêrişan şermezar kenê. Sey ciwanan erkê ma yo ke ma pawitişê şarê xo bîyar ca, paştî bidê koçberan. Ganî ma seba ameyoxê xo seferber bibê. Ciwanî ganî nê prosesî de hetê QSD û Îdareyê Xoserî de cabigêrê.”
Ferîşte Dawûdî zî hêrişî şermezar kerdî û vat: ”Hêrişan ra xeylê wendekarî neçare mendî ke perwerdeyî ra apey bimanê. Ez dejê şarê xo pare kena. Ma do heta peynî xo ver bidê û qerardar ê ke şarê xo teyna war meverdê. Pawitişê şarê ma û erdê ma erkê ma yo verên o. Ma do dormeyê têkoşînî de bêrê yewca û seba ameyoxê xo bixebitê.”
Sercan Sarîkî vat: ”Cuya şarê Efrînî serûbin bîya. La nêro vîrakerdene ke şarê Rojawanî komelê wayûbirayan o. Sey ciwanan ma seba şarê xo yê koçberî seferber bîyî. Seba îhtîyacanê madî û manewîyan ganî ma kom bibê û nê zehmetîyan çin bikerê.”
