Yewîya Cinîyanê Ciwanan semedê azadîya fîzîkî ya Rayberê Şarê Kurdî Abdullah Ocalanî rayîrşîyayîşêk organîze kerd.
Yewîya Cinîyanê Ciwanan semedê azadîya fîzîkî ya Rayberê Şarê Kurdî Abdullah Ocalanî bi sloganê, “Semedê azadîye dem demê serkêşî yo” bajarê Qinê yê rojawanê Kobanê de rayîrşîyaşêk organîze kerd.
Rayîrşîyayîş heta cadeyê bajarî dewam kerd, badê deqeyêk rêzgirewtişî îdarekara Meclîsê bajarê Qinê Tarîvan Xelîl qisey kerd.
Tarîvan Xelîl dîyar kerd ke ê do bi têkoşîn û xoverdayîşê xo azadîya fîzîkî ya Rayberê Şarê Kurdî Abdullah Ocalanî qetî bikerê û va: “Senîn ke şarê ma zêdeyêrê hîrê aşmî yo awbendê Tişrînî de xo ver dano, ma zî bikewê meydanan, çalakîyan organîze bikerê û azadîya fîzîkî ya Rayber Apo biwazê. Ma do 7 serre ra heta 70 serre xo ver bidê û ma do azadîya fîzîkî ya Rayber Abdullah Ocalanî qetî bikerê. Azadîya fîzîkî ya Rayber Apoyî çareserîya problemî ya, semedê azadîya Rayberî têkoşîn bikerê.”
Rayîrşîyayîş bi berzkerdişê sloganê, “Bê Serok jiyan nabe” peynî bî.
