Parlamentera DEM Partî ya Îzmîrî Burcugul Çubuk, şî serdayîşê tepişteyanê cinîyan yê zîndanê cinîyan ê Şakranî. Burcugul Çubuk da zanayîş ke tepişteyî binpaykerdişê heqan yê cidî dir rî bi rî yê û va, ganî Heyetê Îdarî û Taqîbkerdişî bêrê wedaritiş.
Parlamentera Partîya Têduştî û Demokrasî (DEM Partî) ya Îzmîrî Burcugul Çubuk mabêne 8 û 21ê adare de serdayîşê tepişteyû zîndanê cinîyan ê Şakranî kerd û binpaykerdişê ke tepişteyan neql kerd, ercna.
Goreyê xebera Nazlican Nûjîn Yildiza ke muxabira JINNEWSî ya Çubuk va, tepişteyê cinî 8ê Adare û 21ê Adare Newroze pîroz kerdî û pêro cinîyan rê silamî şirawitî û va: “Tepişteyî proses nêzdî ra taqîb kenê. Hîn problemî est ê. Bi taybetî dekewtişê zîndanî de hîn caardişî problemin ê. Mehtap Alîşan ke ê prosesî de ameya tepiştiş, malzemeyê aye nêdayê. 10 rojî malzeme nêdayê. Eke cinî dîn çinbîne do çîyêk çinbo. Tepişteyê cinî bi caardişê kêfî ciwîyenê.”
Heyet raporan vernê de hazir keno
Burcugul Çubuk bale ant serê meseleya derheqê Heyetê Îdarî û Taqîbkerdişî û va: “No heyet vera dadgehan şuxilênê û yê heyetî de ca gênê perwerdeyê huqûqî nêgînê. Wextê dadgehê înfazî bibê, Heyetê Îdarî û Taqîbkerdişî şirawitî. Xora vanê, destê înan de vernê de raporêk est o. Tepişteyan vatî, raporê Heyetê Îdarî û Taqîbkerdişê verê yenê amadekerdiş. Cezaya tepişteyêk bi rutînî hîrê aşmî ra reyke yena taloqkerdiş. Heyetê cezayan vernîya ke tepişteyî vejîyê, bi aşman verê bi bahaneyêk taloq kenê. Bahaneyê verê semedê taloqkerdişê ceza yenê şuxilnayîş, badê ancî yenê caardiş. Şakran de mudaxaleyê cil û belgê cinîyan kenê. Caardişê kelepçeyê citî dewam kenê.”
‘Heyet poşmanî ferz keno’
Burgucul Çubuk tewr peyîn va: “Koguşan de zî eynî problemî est ê. Ma îdareyî dir pêvînayîş kerdî û vatî, do çareser bikerê. Nê pêvînayîşî de ma musayî ke hîna çareser nêkerdê. Îdareyê zîndanî her kesî serê xo ra erzeno. Semedo ke zîndanan de êdî ca nêmendo. Şakran de zî eynî rewşe yena ciwîyayîş. Verê tuwaletan de zî nîvînî est ê. Eynî wextî de prosesê revîr û nêweşxaneyan zî problemin ê. Tepişteyan rê poşmanî ferz kenê. Şirawitişê nameyan beno sebebê ceza. Heyet, poşmanî ferz keno. Ganî no ferzkerdiş bêro wedaritiş. Kesê ke 30 serrî tepişte mendê, nêvanê ma poşman ê.”
