Dêrsim de Platformê Demokrasî û Kedî verba qirkerdişê şarê kurd û elewîyan ê Beyazit, Halepce, Gazî, Qamişlo û Sûrîye ser o beyanat da. Beyanat de ame vatiş ke pankkerdişê hafizayî, hembarbîyayîşê sûcî yo.
Platformê Demokrasî û Kedî, Dêrsim de verba polîtîkayê qirkerdişî yê şarê kurd û elewîyan de beyanat da.
Beyanat wina yo:
“Tundîya dewlete tena bi çek, bombe û copan nîya, bi pankkerdişê hafizayî û pawitişê qetilan o. Qirkerdişê ke tarîxî ra nika ameyê, polîtîkayê dewlete yê pawitişê qetilan nîşan dana. Bi pawitişê qetilanê Beyazit, Halepce, Gazî û Qamişloyî, Sûrîye pawitişê qetilan bî edetîya dewlete. No ser vîrardişê qirkerdişan, tena vîrardişê demê vîyarte nîyo, seba demo ameyox zî têkoşînêk o.
Ma zanenê pakkerdişê hafizayî, hembarbîyayîşê sûcî yo. Qirkerdişo ke bêro vîrkerdiş do berê qirkerdişê neweyî zî biakero, ganî seba dariznayîşê qetilan ganî têkoşîn bidê. Armancê ma verba rejîmê mergî, pawitişê adaletî yo. No welat de kurd, elewî, sosyalîst û şorişger her tim verba polîtîkayê dewlete xover dayê û no ser zî bîyê hedefê dewlete. Sûrîye de verba çinkerdişê têkoşînê şarê kurd Qirkerdişê Qamişloyî viraştê.
Verba qirkerdişan tewro zaf merdim, hafiza pawiyeno, redkerdişê vîrardişî, tena têkoşînê demê vîyarteyî nîyo, eynî demî de têkoşînê demê ameyoxî zî yo. Ma sey Platformê Demokrasî û Kedî yê Dêrsimî zanenê ke seba ke qetilanê qirkerdişan ameyê pawitiş, no ser qirkerdişê newe ameyê kerdene. Ma hewna vîr anenê, adalet bi têkoşînê vîrnêkerdişî yeno, no ser ganî ma hafizayê xo ra wayîr bivejê. Encax bi pawitişê hafizayî ma do verba nê pergalî de biserkewê.”
