Seyî ra yewe nufusê Katalonyaye bi ziwanê katalanî qise kenê, no malûmat derheqê kesê ser emrê 14î de yo. Çi heyfo ke rewşa kurdkî zî Tirkîya de wina ya, xususî ciwanan tirkî qise kenê, no ser bi lezî bi ziwanê dayîke perwerde şert o.
% 32 ya koma komelî, cuya xo de tewro zaf bi katalanî qise kenê, % 9.4ê kome zî hem bi katalanî hem zî bi îspanyolî qise kenê. Malûmatê derheqê bikarardişê ziwanî de hetê hukmatê katalan ame vilakerdene. Malûmatê hukmatî analîzê perseyo bi detay bikarardişê ziwanan ê 2023î de ameyê bidestvistiş.
Netîceyê yewine yê nê anketî seba ameyoxê katalanî wayîrê mesajêkî yê negatîf o. No ser zî rêjeya bikarardişê katalanî yê komelî 2023î de %46 bî. Hetê hûmara kesan a eşkenî katalanî qise bikê rewş baş a. 5.4 milyon kes dayê zanayîş, ê eşkenî bi katalanî qise bikerê. Na hûmar 2003î de 4.5 milyon bî.
Raporê ziwanî yê peynî nîşan dano, perwerdeyê bi katalanî bi serfirazî yeno averberdiş. Bi rayîrê perwerdeyî, zanayîşê katalanî mîyanê komelî de zêde beno la belê zanayîş bi rengêko otomatîk bedilyayo bikarardişê ziwanî yê cuyaya komelî de. Pêroyî heme hewldanê hukmatê katalan ê 1978î ra nika, îspanyolî hîna zî ziwanê serdest ê Katalonyayî yo.
Rewşa kurdkî zî xidar a
Çi heyfo ke rewşa kurdkî zî Tirkîya de wina ya, xususî ciwanan tirkî qise kenê, no ser bi lezî bi ziwanê dayîke perwerde şert o.
