Avûkatê Buroyê Hiqûqî yê Seserre seba ke muwekîlê xo Rayberê Şarê Kurd Abdullah Ocalanî reyde pêvînayîş bikero muracatê Serdozgerîya Bûrsayî û Mudirîyetê Hepisxaneyê Îmraliyî kerd.
Avûkatê Şarê Kurd Abdullah Ocalanî ke Hepisxaneyê Tîpa F yê Ewleyîya Berze ya Îmraliyî de binê tecrîdêko giran de yeno girewtene, seba pêvînayîşêko newe muracat kerd. Avûkatanê Buroyê Hiqûqî yê Seserre Îbrahîm Bîlmez, Cengîz Yureklî, Emran Emekçî û Suzan Akîpa seba ke muwekîlê xo Rayberê Şarê Kurd Abdullah Ocalanî reyde pêvînayîş bikerê, muracatê Serdozgerîya Komare ya Bûrsayî û Mudirîyetê Hepisxaneyê Îmraliyî kerd. Eynî wexti de avûkatan seba ke girewteyanê bînan ê Îmraliyî de Omer Hayrî Konar, Hamîlî Yildirim û Veysî Aktaşî reyde pêvînayîş bikerê, muracatê serdozgerîya hepisxaneyî kerd.
Zafaneyê muracatan ke seba Abdullah Ocalan, Omer Hayrî Konar, Hamîlî Yildirim û Veysî Aktaşî yenê kerdene, cewab nêdîyeno. Pêvînayîş her 6 aşman ra reyêk hetê Mehkemeya Înfazî ya Bûrsayî ra bi maneya “cezaya disîplînî” yenê astengkerdene.
