Sereke Boroya Amedî Abdulkadîr Guleç dîyar kerd ke seba pêvajo bidomyo wa şar û mercê Abdullah Ocalan bêrê başkerdene û va ke wa qanûno bingeyî yo newe bêro rojeve.
Heyetê Îmraliyî yê Partîya têduştî û demokrasî (DEM Partî) 27ê Sibate Hepisxaneyê Îmraliyî de reya 3ine Rayberê PKK’yî Abdullah Ocalanî dir pêvînayîş kerd. Ahmet Turk, Pervîn Buldan, Sirri Sureyya Onder, Tulay Hatimogullari, Tuncer Bakirhan, Cengîz Çîçek û Faîk Ozgur Erol beşdarê kombîyayîşê 3ine bîyî. Tepişte Omer Hayrî Konar, Hamîlî Yildirim û Veysî Aktaş zî beşdarê pêvînayîşî bîyî. Badê pêvînayîşî heyet, Stenbol de kombîyayîşêk çapemenîye organîze kerd û vengdayîşê Abdullah Ocalanî yê “Aştî û Komeleyê Demokratîk” eşkera kerd. Kombîyayîş de fotografê Abdullah Ocalanî, heyetê Îmraliyî û 3 tepişteyanê bînan zî ame parvekerdiş. Dima zî Kurdistan û Tirkîya de zaf gengeşe destpê kerdê.
Serekê Baroya Amedî Abdulkadîr Guleç derheqê mesajê Rayberê PKK’î Abdullah Ocalan û pêvajo de MA’î rê qise kerd.
Serekê Boroya Amedî Abdulkadîr Guleç dîyar kerd ke seba pêvajo bidomyo wa şert û mercê Abdullah Ocalan bêrê başkerdene û va ke wa qanûno bingeyî yo newe bêro rojeve.
‘Vengdayîş nê peynî yo, destpêk o’
Abdulkadîr Guleç bal ant ser elaqaya raya pêroyî ya mîyannêteweyî ya seba vengdayîşî û ard ziwan ke no vengdayîş ameyo qebûlkerdene û wina va: “Bi no vengdayîş bawerî û hêvîya şarî ya seba aştî zêde bî. Helbet ez na raştî zî zanena ke aştî bi yew vengî pê nîno. Şar zî bi na yewe zaneno la no vengdayîş nê peynî yo, destpêk nîyo. Seba ke no vengdayîşê xo yê newe yo, bi raştî no vengdayîş Ocalan do senî raya pêroyî rê bibo verpers; senî ke bertekêk komel de viraşt û raya pêroyî ya mîyanêneteweyî bi pozîtîfî nêzdî bî, ma hêvîdar ê ke warê sîyasî û lejkerî de zî bibo verpers û beşdarî pêvajoyêka pozîtîfî bibo.”
Guleç ar ziwanke platformo ke 123 sazîyê sivîl binê Platformê Şaristan û Hembarî ya Amedî xebat kenê, partîyê sîyasî ra pêvînayîş pê anenî û wina qedîna: “Ma sey platform ser na pêvajoyê partîyê Tirkîya û partîyê Kurdistanî ra kombîyayîş pê bîyarê. Nê kombîyayîşê ma de heme partî zî na pêvajoya pozîtîfî vînenê la ma wazenê gamê şênber bêrê eştiş û zafêr wayîrê pêvajo bivejê. Ma zî sey Baroya Amedî gam eştişê qanûnî de bikewo ser milê ma, ma hadre yê.”
