Heyeto ke Rayberê PKK’yî Abdullah Ocalan reyde pêvînayîş bikero şibi Girawa Îmrali pêvînayîşê înan o tarîxî qedîya.
Heyetê Partîya Têduştî û Demokrasîyî ya Şaran (DEM Partî) yê Îmraliyî ke Sîyasetmedarê kurd Ahmet Turk, Hemserekê Pêroyî yê DEM Partî Tuncer Bakirhan û Tulay Hatimogûllari, parlamenterê DEM Partî Pervîn Buldan, Sirri Sureyya Onder, Cengîz Çîçek û endamê Buroyê Huqûqî yê Seserrî Faîk Ozgur Erolî ra pê yeno, seba ke reya hîrêyin Rayberê PKK’yî Abdullah Ocalanî reyde pêvînayîş bikero şi Hepisxaneyê Girawa Îmraliyî. Heyeto ke Abdullah Ocalanî reyde pêvînayîş kerd, agêreno.
Heyetê DEM Partî yê Îmraliyî do vengdayîşo tarîxî yê Abdullah Ocalanî raya pêroyî reyde pare biko. Vengdayîşo tarîxî do saete: 17.00î de Otelê Elît Worldî ya Stenbolî de bêro dayene. Seba beyanatî zaf şaristanan de amadekarî yenê kerdene ke ekranê LED’î ra bêro temaşekerdene.
