Hemwelatîyê Amedî, derheqê kombîyayîşê MGK’yî yo ke 27ê teşrîna peyêne de do bêro kerdene de nirxnayîş kerd û vat: “No proses di serrî yo dewam keno. Êdî gerekê gamê şênberî bêrê eştene, girewtîyê nêweşî bêrê raverdayene û aştî pêk bêro.”
Amed de hemwelatîyan, derheqê kombîyayîşê Heyetê Ewleyîya Neteweyî (MGK) yê ke 27ê teşrîna peyêne de do bêro kerdene de, ajansa ma rê qisey kerd û vat ke êdî gerekê no proses nêbo derg, kombîyayîşî de seba gamanê konkretan qerarî bêrê girewtene û êdî pêşkewtişêk bibo. Hemwelatîyan, rewşa girewtîyanê nêweşan rê zî reaksîyon mojnayî û vat: “Ma wazenê ke êdî gamê konkretî bêrê eştene, girewtîyê nêweşî bêrê veradayene û aştî pêk bêro.”














