Girtiya nexweş Newroz Bozkurt a ku nezî 28 sali in di girtîgehê de ye û nexweşiya wê ya Lenfositik Losemî ya Kronîk heye ji ber ku rewşa wê ya nexweşiyê giran bû rakirin nexweşxaneyê. Newroz Bozkurt a ku li nexweşxaneyê tê tedawîkirin rewşa wê ya xeternek didome.
Girtiya nexweş Newroz Bozkurt a ku Li Girtîgeha Jinan a Sîncanê ragirtiyê roja Şemiyê ji ber nirxên wê yê xwînê ketiye û rewşa wê giran bûye rakirine nexweşxaneyê. Her wiha hate gotin ku di vê qonaxê de enzîmên wê yên kezebê jî zêde derketine. Newroz Bozkurt a ku 28 sal in girtî ye di meha Hezîrana 2025an de nexweşiya Lenfositik Losemî ya Kronîk (KLL) lê hatiye teşhîskirin.
Li gorî agahiyên ji parêzer hate wergirtin, wê pêşî rakirine Nexweşxaneya Dewletê ya Sîncanê û paşê ji wir jî sewqî Nexweşxaneya Başêr a Etlîkê ya Enqereyê hatiye kirin. Newroz Bozkurt li nexweşxaneyê di beşa lêneherîna awartê de tê dermankirin û rewşa wê ya xeternek didome.
Her wiha parêzerê Newroz Bozkurtê diyar kir ku tevî di meha Kanûna sala par de nirxên wê yên xwînê kêm jî ji aliyê bijîşk ve tu mudaxile lê nehatiye kirin û ji ber vê rewşê derbarê bijîşk de gilî hatiye kirin.









