* Di 4ê Gulana 1937an de ango 89 sal beriya niha ji hêla hikûmeta CHPê ya wê demê ve bi navê “Hereketa Tenkîl a Tunceli” li Dêrsimê qetlîam pêk hat. Ev operasyona ku heta Îlona 1938an berdewam kir bi qirkirinekê hate bidawîkirin. Seyîd Riza ku li dijî vê plana komkujiyê serî hilda di 15ê Mijdara 1937an de li Xarpêtê hate bidarvekirin. Gotinên Seyîd Riza îro jî di bîra gelê Kurd de zindî ye û ew gotin hê jî di nav çiyayên Dêrsimê de olan dide.
* Malbatên girtiyan ku li ser rewşa girtîgehan û derbarê pêvajoya Aştî û Civaka Demokratîk de axivîn, daxwaziya vekirina deriyê Îmraliyê û zindanan kirin û gotin: “Rêberê Gelê Kurd û girtiyên azadiyê bila werin nav gelê xwe.”
* Piştî teqîna li Fabrîqeya Hesin û Polayê ya HABAŞê ku tê de 19 karkeran jiyana xwe ji dest da, ji sala 1995an vir ve herî kêm 45 karker di vê fabrîqeyê de jiyana xwe ji dest dane û bûye cihekî weke goristana karkeran. Biraziyê Abdûlkadîr Kinaci yê ku di teqînê de jiyana xwe ji dest da Arîf Kinaci nerazîbûn nîşanî bûyerê da û banga yekîtî, rêxistinbûna sendîkayî û grevê li karkeran kir.
* Endamê Lijneya Rêveberiyên Xwecihî ya DEM Partiyê Yaşar Karakuş diyar kir ku ew bi avakirina midûriyetên ziman dixwazin li dijî bişaftinê têbikoşin û amadekariya ji bo pêvajoyê vê yekê dikin, lê ji ber astengiyên pergalê nikarin pêdiviyên hemû zarokên ku serî li zarokistanan dane bicih bînin.
* Di sala 2000î de ji aliye DSÎyê ve li Bajarokê Bazarcixê ya Dîgorê ji bo avdana eraziyan gola avdanê tê çêkirin. Ev gol nakeve faliyetê û gelek zirarên mezin dide xweza û mirovên deverê. Keyayê berê ya gundê Şatirê Yûsûf Koyûncû destnîşan kir ku 3 ciwan di vê golê de jiyana xwe ji dest dane û zirarê dide xelkê.
* Girê Moza yê li nêzî bajarê Qamişloyê, bi kûrahiya xwe ya dîrokî û qatên medeniyetên kevnar ên ku di nava xwe de dihewîne, balê dikişîne ser girîngiya parastina kelepûrê çandî yê herêmê.
* Konseya Bajêr a Amedê dê bi sernavê “Daneyên NASAyê û fikra te” komxebatek li Parka Sumerê ya Amedê li dar bixe. (10:00-17:00)
* Dayikên Şemiyê dê di hefteya 1129emîn de çalakiya xwe li Qada Galatasarayê li dar bixe. (12:00)
* Xizmên Windayan û rêveberên şaxên ÎHDê yên Amed, Êlih û Colemêrgê dê çalakiya “Bila winda bên dîtin û faîl bên darizandin” berdewam bike. (12:00)
* Ekîn Çand û Huner û Komeleya Xwendekaran a Çand û Hunerê ya Arînê bi tevlibûna Koma Hevra dê li Navenda Çandê ya Adem Başturk a navçeya Esenlerê şahiya ciwanan li dar bixe. (18:00)
* Platforma Saziyên Demokratîk û Komeleya Pîr Sultan Abdal a Amedê dê ji bo bîranîna Seyîd Riza û hevalên wî li Eywana Konferansê ya Alî Emîrî ya Şaredariya Amedê bernameya bîranînê li dar bixe. (18:00)
* Lîstika “Zembîlfiroş” ya ŞanoWanê dê li ÇandAmedê derkeve pêşberî şanohezan. (19:30)
Kirmanckî
* Bahar Degîrmencîya ke Anqare de karkerîye kena, bale ante serê cîyakerîya metropolan û xebata xo ya dîjîtale ya seba Kirmanckî û vat: “Tewrê her zehmetîye ma kokê xo ra fek vernêdanê; wa may û pî ziwanê dayîke bimusnê domananê xo.”
