Muxafizanê Şorişî yê Îranî îdîa kerd ke înan sîstemêkê radarî yo hişyarkerdişê verênî yê DYA ke Bahreyn de yo, ey kerdo hedef û îmha kerdo. DYA û Bahreynî hema hêrişî ser o eşkerayîyêk nêdaya.
Muxafizanê Şorişî yê Îranî roja îneyî televîzyonê dewlete rê eşkerayîyêk daye û da zanayene ke yewîneyanê girêdayeyê Hêzanê Hewayî-Fezayî dayo radara hişyarkerdişê verênî ya Dewletanê Yewbîyayan ê Amerîkayî (DYA) ya Bahreynî ro.
Eşkerayî de ame vatene ke hêriş sey cewabê hêrişê hewayî yê serê kuleya telekomunîkasyonî ya şaristanê Sîrîkî yê başûrê Îranî ameyo kerdene. Muxafizanê Şorişî îdîa kerd ke radar ameyo îmhakerdiş û babetê qedînayîşê hêrişanê hewayî yê DYA û qaçaxtîya petrolî ya Neqeb Hurmuzî de hişyarî daye.
Rayedarê DYA û Bahreynî serê hêrişê mimkinî yê Bahreynî de hema eşkerayîyêk nêdaya. Qerargeh û bineawanîya leşkerî ya Bahreynî ke welatêkê qij ê Kendawî yo, bi destpêkerdişê hêrişanê DYA û Îsraîlî yê serê Îranî zaf reyî bîyî hedef.
