Welatîya kurde Cemîle Mihemed Emîn Azer ke Bokan de ciwîyena, hetê hêzanê girêdayeyê Mudirîya Îstîxbaratî ra ameye destbendkerdene. Çar rojî vîyartî zî ne aye ra ne zî cayê ke tede vindarnîyena ra xebere nêyena girewtene.
2yê teşrîna peyêne de hêzanê girêdayeyê Mudirîya Îstîxbaratî keyeyê keyeyê aye ser o sereştiş kerd. Naye ra pey Cemîle Mihemed Emîn Azer û mêrdê aye Hoşnav Azîzpûr ameyî destbendkerdene.
Hoşnav Azîzpûr çend saetan ra pey ame verdayene la destbendkerdişê Cemîle Mihemed Emîn Azer dewam keno. Keyeyê aye seba ke derheqê halê aye de agahî bigîro muracatî kerdî la hetanî nika netîceyêk nêgirewto.
Derheqê nê çîyan de tu agahî çin a: Cemîle Mihemed Emîn Azer kotî de vindarnîyena, çira ameye destbendkerdene yan zî kamcîn sûcdarkerdişî benê ke aye ser o bêrê kerdene.
Cemîle Mihemed Emîn Azer demêk de ameye destbendkerdene ke raporanê heqanê merdiman de xeberî weşanîyayî ke 1 û 2ê teşrîna peyêne de Bokan de welatîyê bînî zî ameyî destbendkerdene.
