Lîga Heqanê Merdiman ya Arjantînî Federasyonê Heqanê Merdimanê Mîyanneteweyî (FIDH) rê mektubêk şawite, ke ci ra waşt ke azadîya Ocalanî de israr bikero û prosesê aştîye de rolê garantorî bigîro xo ser.
Lîga Heqanê Merdiman ya Arjantînî, ke serra 1937î de awan bîya û warê heqanê merdiman û edaletî de tarîxêko kûr û muhîm ci est o, Federasyonê Heqanê Merdimanê Mîyanneteweyî (FIDH) rê, ke ey endam a, mektubêk şawite. Mektube de FIDH’î ra ame waştene ke azadîya fîzîkî ya Rayberê Şarê Kurdan Abdullah Ocalanî de israr bikero û prosesê aştîye de rolê garantorî bigîro xo ser.
Zereyê mektube wina yo:
“Dostê hêja,
Ma şima rê derheqê Rayberê Şarê Kurdan Abdullah Ocalanî de nusenê, ke dewleta tirkî 27 serrî ra nat o heps kerdo. Ey vêşîya xo heta nê wextî hucreya yewkesî de vîyarna. Cezaya omrî ya giran ser o yena ragirewtene, ke peyserdîyayîş ci de çin o, û 77 serrîya xo de heqê omîdî ra zî bêpar yeno verdayene.
Ma zanenê ke federasyonî na mesele xeylî rey ard rojdem, Abdullah Ocalan sey tepîşteyêkê sîyasî nas kerd û azadîya ey waşt. Labelê ma na bawerîye de yê ke goreyê şertanê sîyasîyê vurîyayeyan, ke îhtîmalê averşîyayîşê aştîye mojneno, nê gamî eşkenê seba şarê kurdan û şaranê bînan ê herêmî fersendê hewce biyaro. Derfetê berdayîşê Abdullah Ocalanî û hezaran tepîştîyanê sîyasîyan ê hepisxaneyanê Tirkîya est ê, û no waştiş nika hema muhîmêr û cuyî yo. Raporî estê ke seba omîd hincetan ma rê anê ver.
Coka halê nika de ma êqûn kenê ke dewamkerdişê piştîyî û israrê ser waştişê azadîye hewce yo. Federasyonê Heqanê Merdimanê Mîyanneteweyî, bi prestîjê xo, eşkeno aştîya adîle ya na herêmî rê tevkarîyêka muhîme bikero û peynîya peynîye de muzakereyan de eşkeno rolê garantorî bigîro ser.
Lîgaya Heqanê Merdiman ya Arjantînî herikîna tarîxî de dilsozîya xo ya tepîştîyanê sîyasîyan û şarî reyde îspat kerda; seba karanê xo yê pawitişê heqanê merdiman gelek şehîd da. Dîktatorîya Spanyayî, Şerê Vîetnamî, Şorişê Kubayî, dadgehkerdişê dîktatorîya Arjantînî, qirkerdişê Fîlîstînî û têkoşîna xoserîye ya Sahraya Rojawayî zî tede, xeylî dewayan de bi rolêka çalak ca girewta. Demêko derg ra gelê kurdan rê piştî dana. Nora Podesta, Nector Trajtemberg û Alexandro Avots namey Lîgayî ra gelê kurdan rê silavê xo rusnenê û dilsozîya xo ya azadîya Rayber Apo û çareserîya meseleya kurdan reyna vanê.”
