Bajarê Cenevrê yê Swîsre de komeleyanê kurdan ê çar parçeyanê Kurdistanî bi wesîleya 21ê Sibate Roja Ziwanê Dayîke UNESCO’yî rê mektub şawit.
Bajarê Cenevrê yê Swîsre de endamanê Platformê Ziwanê Kurdkî postaxaneyê bajarî de ameyî têhet û bi wesîleya 21ê Sibate Roja Ziwanê Dayîke Rêxistina Perwerde, Zanistî û Kulturî ya Neteweyanê Yewbîyayeyan (UNESCO) rê mektub şawit.
Bado ke mektub ame şawitene eşkerayîye ameye dayene û nê ameyî vatene: ”Ma sey kurdanê ke çar parçeyanê Kurdistanî ra ameyî têhet ma Cenevre de Platformê Ziwanê Kurdkî na ro. Ewro ma bi wesîleya Roja Ziwanê Dayîke UNESCOyî rê mektub şawit. Ma mektub de waştişê xo yê semedê ziwanê dayîke ardî ziwan. Reyna ma waşt bi UNESCO’yî rî bi rî pêvînayîş bikerê. Ma wazenê platformê xo hîna xurt bikerê û kurdkî hîna vila bikerê. Ma sey kurdanê ke diaspora de ciwîyenê ma do çar parçayanê Kurdîstanîr ê paştdayîşê xo bidomnê.”
Mektubo ke hetê Platformê Ziwanê Kurdkî yê Cenevre ra UNESCO’yî rê ame şawitene de bale ameye antene zextê vera kurdkî yê çar parçayanê Kurdistanî ser û ame vatene ke heqê ziwanê dayîke heqê bingeyî yê heqanê merdiman o. Mektub de madeyê 26. yê Beyannemeyê Globalî yê Heqanê Merdiman ame vîrardene û ame vatene ke her kes wayîrê heqê perwerdeyê ziwanê dayîke yo. Mektub de bale ameye antene poltîkayanê asîmîlasyonê yê herêmanê Kurdistanî ser û waştişê semedê ziwanê kurdkî ameyî rêzkerdene.
