Medyaya Ereban tesîrê şerê Amerîka û Îranî bi ameyoxê Îraq û herême ra girêda û va ke krîzê Neqebî û ê petrolî “di hetê eynî pereyî yê”. Sewbîna dîyar kerd ke rewşa Îraqî do bibo “ceribnayîşê dewlete û çekanê aye”.
Nuştiş û şîroveyê ke ewro rojname û sazgehanê medyaya yê Erebkî de ameyê weşanayîş, tesîrê şerê Amerîka-Îranî Îraq û herême û ameyoxê şerî Gazze ser o munaqeşeyî yenê kerdiş.
El Şerq El Ewset
Derheqê şerê Amerîka-Îranî de, rojnameya El Şerq El Ewset nuşteyêk bi sernameyê “Îran… Çareserîya bêhêvî demanê zehmetan de” weşana û rewşa ekonomîya Îranî û şerê ey bi Dewletê Yewbîyayeyan rê erjna.
Nuşteyî de ame dîyarkerdiş ke qiseykerdişê ekonomîya Îranî ya rijnayena bilez ser o nêyena na manaye ke na senaryo do bi raştî ca bêra. Nuşteyî de qala tedaya ke Tehran pê rî bi rî zî yeno kerdiş.
Eynî rojname nuşteyêko bîn bi sernameyê “Îraq o Badê Amerîka… Ceribnayîşê Dewlete û Çekanê Aye” weşana û qala roja badê ancîyayîşê hêzanê Amerîka kerd.
Rojname dîyar kerd ke Îraqî nê hedîseyî sey “Rojê Tehlîyekerdişî” yan “Rojê Bandureye”, bi name kerd û Îraqî bale ante problemanê ke do badê ancîyayîşê bêrê ciwîyayîşî ameyoxê dewlete ser o.
Independent Arabîa
Rojnameya Independent Arabia nuşteyêk bi sernameyê “Petrol û Hurmuz… Pey Perdeyî de Manevraya Îranî bi Washingtonî rê” weşana. Nuşteyî de bale ame antiş pêşnîyazê Îranî yê seba akerdişê Neqebê Hurmuzî û girêdayîşê krîzê petrolî bi cezayan û dayîşûgiretişanê meseleya nukleerî ser o.
El Nahar
Rojnameya El Nahar zî nuşteyêk bi sernameyê “7ê Teşrîna Verêne… Erdlerzêko ke Peynî Nêbîyo” de qala tesîranê serrgêra 3. ya hêrişê 7ê teşrîna verêne û şero ke badê ey dest pêkerdo, kerd. Nuşte persê çîyanê ke herême de vurîyayî, tesîrê şerî dewaya Filistînî, ameyoxê Gazze û tesîranê pêkewtişî emnîyetê herême û hemsencîya hêzê ser o vinderto. Rojname raverşîyayîşê Gazze, Lubnan û Îranî bi yewbînan rê girêda û bale ante dayîşûgiretişan, tehdîtanê leşkerî û ameyoxê rewşa Lubnanî ser o.
El Xelîc
Rojnameya El Xelîc de zî nuşteyêk bi sernameyê “Û Mîyanê ma ra Şahîdek Şahîdî Kerd” şerê Gazze ser o ame weşanayîş. Nuşte bi fotograf û şahîdîya merdiman rê bale ancena wêrankerdişê Gazze ser û va ke şahîdîyê doktoran û kesê ke şerî ra xelesîyê bes kenê ke astê wêrankerdişî ramojnê.
