* Bi salan e Cihû û Fileh li ser cihê bihûştê nexşeyan şîrove dikin, lêgerînên xwe didomînin. Herî dawî nexşeyek di nava Încîlekê de hatiye dîtin ku dîroka wê 1599 e û li gorî vê nexşeyê Aden (Baxçeyê Bihûştê) ku mirovên ewil Adem û Hawa tê de jiyan e, di navbera Gola Wanê û Gola Urmiyeyê de ye.
* Li dijî zext û zordariyê ji malbata Korkmaz, Mehmet Korkmaz (Bahoz) û M. Şerîf Korkmaz (Kemal) berê xwe didin têkoşîna azadiya Kurdistanê û şehîd dikevin. Kadriye Kormaz ji bo her du lawên xwe wiha got: “Dewlet neheqiyê li zarokê min kir ji bona wê zarokê min tev li partiyê bûn.”
* Weşanxaneyên Kurdî yên di Pêşengeha Pirtûkan a Amedê de cih digirin destnîşan kirin ku heke ziman derbasî nifşekî din nebe ziman ber bi tunebûnê ve diçe û xwestin ku ne salê carekê divê li her dere xwedî li pirtûkên Kurdî bê derketin.
* Endezyarê zîrekiya çêkirî Ferhat Baysal ê ku ji bo zimanê Kurdî platforma zîrekiya çêkirî ya nû Mazdek AI ava kir, wiha got: “Modelên gerdûnî yên wekî Gemini, ChatGPT û Claude ji ber nebûna danegehên Kurdî gelek caran agahiyên çewt didin, lê Mazdek AI li ser arşîveke taybet a Kurdî ku ji sedan terabaytan pêk tê hat perwerdekirin û bi vî awayî bingeha Kurdî ya rast bi hêza AI ya gerdûnî re gihand hev.”
* 10emîn Pêşengeha Pirtûkan a Amedê dê di roja 6emîn de li Navenda Fûar û Kongreyê ya Navneteweyî ya Mezopotamyayê berdewam bike. (10:00-19:00)
* Hevserokên Giştî yên DEM Partiyê Tulay Hatîmogullari û Tuncer Bakirhan dê di vekirina sala nû ya qanûndanînê ya Meclisê de bi koma parlamenterên xwe re tev li Desteya Giştî ya Meclisê bibin. (14:00)
* Hevserokên Giştî yên DEM Partiyê Tulay Hatîmogullari û Tuncer Bakirhan dê tev li resepsiyona vekirina Meclisê bibin. (18:30)
