Sermuzakerevanê Îranî û Serekê Meclîsê Îranî Bakir Galîbaf eşkera kerd ke Teheranî seba newe ra akerdena Neqebê Hurmuzî şertê xo pêşkeşê Amerîka kerd.
Sermuzakerevanê Îranî û Serekê Meclîsê Îranî Bakir Galîbaf eşkera kerd ke Teheranî seba newe ra akerdena Neqebê Hurmuzî yo stratejîk şertê xo yê lazimî pêşkeşê Amerîka kerd.
Galîbafî televîzyonê dewleta Îranî rê qiseykerd û dîyar kerd ke ganî Amerîka qewlê xo bi ca biyaro, cewab bido şertanê Îranî, wina nêbo agêrayîşê rewşa verê şerî û newe ra akerdena neqebî mumkun nîyo.
Rayedarê Îranî eşkera kerd ke înan mesajê xo bi rayîrê welatanê ke mabeynkarî kenê bi hawayêko eşkere resnayo Washingtonî.
Hîrê şertî
Sekreterê Konseya Berz a Emnîyetê Neteweyî yê Îranî Mûhsîn Rezaî rojêk verî dîyar kerdibi ke Îranî waştişê xo bi rayîrê Qeterî resnayo Amerîka.
Hîrê şertê bingeyîn ê ke Îran dîyar kerdê wina yê:
– Şer heme cepheyan de biqedîyo
– Malê Îranî yê ke ameyê cemidnayene bêrê veradayene
– Dorpêçê deryayî yê Amerîka ke Îranî ser o yê, bêro wedaritene.
Nê mabenî de Wezaretê Karanê Teberî yê Îranî dîyar kerd ke Wezîrê Karanê Zereyî yê Pakîstanî Mûhsîn Nakvî, roja yewşeme, Teheranî zîyaret keno. Pakîstan yew nê welatan ra yo ke seba kêmkerdena alozîyanê mabenê Îran û Amerîka de mabênkarî kenê.
