Heyetê DEM Partî yê Îmraliyî Başûrê Kurdîstanî de serekê YNK Bafil Talabanî û Kubat Talabanî pîya eşkerayîye dê: “Heme aktorê kurdî nê projeyê aştîye de ca gênê û piştî danê na projeye.”
Heyetê DEM Partî yê Îmraliyî Başûrê Kurdîstanî de serekê Yekitîya Niştimanî yê Kurdistanî (YNK) Bafil Talabanî û Alîkarê Serekwezîrê Herema Kurdistanî Kubat Talabanî reyde ame têhet.
Heyetê DEM Partî yê Îmraliyî ke di reyî Rayberê PKK’yî Abdullah Ocalanî reyde pêvînayîş kerd seba ke mesajanê Abdullah Ocalanî pare bikerê Başûrê Kurdîstanî de pêvînayîşanê xo dewam keno.
Heyetê Îmraliye çerçeweya nî pêvinayîşan de vizêrî Hewler de ewro zî Silêmanî de pêvînayîşî kerdi. Heyetî ewo Serekê YNK’yî Bafil Talabanî û Alîkarê serekwezîrê Herema Kurdistanî Kubat Talabanî kêyeyê Celal Talabanî yo ke Dabaşanê Silêmanî de ro îcayî de ameyî têhet.
Heyetî serê mezela Celal Talabanî de eşkerayîye dê. Serê namê Heyete Hemserekê DBP’yî Keskîn Bayindirî va “Heme aktorê kurdî nê projeyê aştîye de ca gênê û piştî danê na projeye.”
Keskin Bayindirî nîya dewam kerd: “Ma mesajê birêz Ocalanî, Kubat û Bafil Talabanî de pare kerdi. Nêzdîyê saatê û nêm pêvînayîş bî. Pevînayîş de çereserkerdena persa kurdan ser, rewşa Rojawayî û têqalîya mabênê Kurdan û Tirkan ser, aştîye ser fikir dayene û girotene viraştene. Aştîyanê verênan de Mam Celalî (Celal Talabanî) çi dest ra amêne peyde nêdêne û rola xo kayî kerdêne. Ewro zî Bafil û Kubat Talabanî no bar giroto serê hermanê xo. Aktorê Kurdî no proseste rolêka tarixîye kayî bikê. No derheq de bawerîya ma tama. Seba naye ma sipasîya xo wazenîme. Pêro aktorê Kurdî piştî danê nî prosesê aştîye. Serê naye ra ma serdana nê pêvînayîşan ra razî û şayîme.”
“Rayberîya Ocalanî de çareserîye bena”
Eşkerayîye de “Aktorê Kurdî pêro yew fek ra vanê ke na mesela ancax Rayberîya Abdullah Ocalanî de çareser bena û pêro Kurdî nayera qezenc vênenê. Projeya aştîye pê rayberîya Abdullah Ocalanî bena. Ma pêro pîya heme quweta xo piştî danîme na projeye. Ma şikînîme nê cayîde şarê Kurdî û şaranê dinya rê eşkera bikime ke ma Kurdî pêro pîya raya aştîye de têhet de rî me. No zî seba Kurdistan omidê de pîlo.”
Heyetî nîşan da derheqê nê pêvinayîşan de eşkerayayî ya nuştîye zî nêzdî de bena.
