Stenbol de bi pêşengîya MEBYA-DERî Bagcilar û Sancaktepe de cangorîyê têkoşînê azadîya Kurdîstanî yenê vîrardene.
Bi rayberîya MEBYA-DERî Stenbol de seba cangorîyanê Têgêrayîşê Azadîya Kurdîstanî yê wext û cayanê cîyayan de cuya xo ra bîyî, qezaya Bagcilar û Sancaktepe de programê yadkerdişî yenê viraştene.
Keyeyê cangoriyan, Dayîkanê Aştî, aktivîstê TJA’yî, parlamenterê DEM Partî, endam û rayberê partîyanê sîyasî û temsîlkarê sazgehanê komelî tewrê programê vîrardişî benê.
Program awanîya DEM Partî ya Bagcilar û Sancaktepe de yenê viraştene. Programo ke do saete
12:00 de dest pê bikero. Vernîya programê vîrardişî salona rêxistina DEM Partî ya qezaya Bagcilarî de fotografê cangorîyan û Rayberê Şarê Kurdî Abdullah Ocalanî masayan ser ameye ronayene.
Sewbîna pankartê, “Ma şehîdanê rûmetî vîr anê”, “Şehîdê ma rûmetê ma yê”, “Têkoşînê înan rayîrê ma roşn keno” û “Şehîdî Nêmirenê” ameyê daleqnayene.
