Rêveberiya Herêmî ya DEM Partiyê û şaredarên wê bi dirûşma “Bi Keda Kolektîf Bajarên Paqij” kampanya da destpêkirin. Di çarçoveya kampanyayê de Şaredariya Yenîşehîrê li Taxa Ben û Senê paqijî kir.
Rêveberiya Herêmî ya DEM Partiyê û Şaredarên DEM Partiyê yên navenda Amedê û navçeyên wê di 11ê Tebaxê de bi daxuyaniyekê starta kampanyaya “Bi keda kolektîf bajarên paqij” dan. Şarederiya Bajarê Nû di çarçoveya kampanyayayê de li Taxa Ben û Senê xebatên paqijiyê meşandin. Hevşaredarên Bajarê Nû Safiye Akdag û Mehmet Ergun, endamên meclisa şaredariyê, cîgirên hevşaredaran, rêveberên yekeyan, xebatkarên şaredariyê û welatî beşdarî xebata paqijiyê bûn. Bi xebata hevpar qadên jiyana kolektîv tax hat paqijkirin û hat armanckirin ku hişmendiya derbarê paqijiya navçeyê de bê zêdekirin.
Di çarçoveya kampanyayê de bal hat kişandin ser girîngiya nêzîkatiya berpirsyariya hevpar a ji bo navçeyeke paqij. Xebatên paqijiyê di heman demê de li navçeya Sûr, Rezan, Peyas, Bismil, Hênê û Farqinê jî berdewam bikin. Sibe jî Şaredariya Erxeniyê dê xebatên paqijiyê bide dest pê kirin.
