TUAY-DER ê Amedî kongreya xo ya adetî ya 5. viraşte. Beşdaranê kongre waşt Rayberê Şarê Kurdî Abdullah Ocalan azad bibo û wina vatî: “Bi bawerîya Serek Apo, ma do nê rayîrî de rayra şorê û ma do serbikewê”
Komeleya Piştîdayene û Hetkarî bi Keyeyanê Girewte û Hukmwerdoxan (TUAY-DER) ê Amedî bi sloganê “Bi komelê demokratîkî ameyoxî azad kenê” kongreya xo ya asayî ya 5. salona dawete ya qezaya Rezanê ya Amedî de viraşte. Dayîkê Aştî, aktîvîstê TJA’yî, Endamê TUAY-DER’î yê şaristananê herême, Hemşaredarê qezayanê Amedî, endamê rêxistinanê DEM Partî û DBP’î yê Amedî, temsîlkarê sazgehanê sîvîl û xeylê kesî tewrê kongre bîyî. Kongre de fotografê Rayberê Şarê Kurdî Abdullah Ocalan û pankartê “Azadîya cinîyan awankerdişê komelê demokratîkî ya”, “Cuya azade do bi cinîya azade mumkin bibo” ameye aleqnayene.
Kongre seba cangorîyanê azadîye bi deqîqeyêk rêzgirewtişî dest pêkerd. Sloganê “Şehîdî nêmirenê”, “Biciwîyo xoverdayîşê zindanan” û “Biciwîyo Serek Apo” ameyê eştene. Badê rêzgirewtişî sînevîzyon ame temaşekerdene.
Badê mesajê zindanan û qiseykerdişan, raporê xebate û malî ameyê wendene. Kongre de Emîne Kaya û Cahît Şik sey Hemserekanê TUAY-DER’î Amedî ameyê weçînayene. Dima ra zî kesê ke tewrê kongre bîyî, hemserekî pîroz kerdî. Kongre bi sloganan û girewtişê govende qedîya.
