Merkezê Çareserî ALO 153 yê ÎBB’yî heta nika bi ziwananê Tirkî, Îngîlîzî û Erebkî xizmet dayêne, lehçeya kurmancî ya Kurdkî zî îlaweyê ziwananê xizmetî kerd.
Şaredarîya Stenbolî ya Şaristanê Girdî lehçeya kurmancî ya Kurdkî zî xizmetanê zafziwanî de îlawe kerd. Merkezê Çareserî yê ALO 153 yê girêdayeyê Serekîya Daîreyê Tekilîyanê Şarî yê heta nika bi ziwananê Tirkî, Îngîlîzkî û Erebkî xizmet dayêne welatijan. Ewro ra pey Merkezê Çareserîya ALO 153 do bi lehçeya kurmancî ya Kurdkî xizmet bido qiseykerdoxanê Kurdkî.
Her roje bi hezaran welatijî û şarê Stenbol de ciwîyenê bê ke şêrê awanîya Şaredarî xeta ALO 153 bigêrê, gerre û waştiş û pêşnîyazanê xo resnenê rayedaran. Ewro ra tepîya qiseykerdoxê Kurdkî zî do bieşkê xizmetanê şaredarîye ra îstîfade bikerê.
