COLEMÊRG – Komeleya ziwanê Kurdkî ya ZIWAN-DER’î ya Colemêrgî Kongreya xo ya 1. viraşte.
Komeleya Cigêrayîş û Averberdişê Kultur û Ziwanî (ZIMAN-DER) ke Colemêrg de aktîfa, Kongreya xo ya 1. ya Asayî viraşte. Kongre, bînaya Platformê Şûbeya KESK’î ya Colemêrgî de amê viraştene. Temsîlkarê partîyanê sîyasî, sazgehê demokratîk ê şaristanî û xeylî welatijî beşdarê kongre bîyî.
Kongre bi rêzgirewtişî dest pêkerd û wextê kogre de xeylî rayan sloganê “Bê ziwan cuye nêbana” ame vatene.
Hemserekê ZIMAN-DER’î Naîf Beyter qiseykerdişê xo de vat ke înan na komela seba têkoşînê vera polîtîkayanê asîmîlasyonî yê vera ziwanê kurdkî awan kerda.
Badê Hemserekê ZIMAN-DER’î Naîf Beyterî, Hemserekê Komîsyonê Ziwan, Kultur û Hunerî yê DEM Partî Heval Dilbiharî qisey kerd û dîyar kerd ke ê do têkoşînê xo seba ke kurdkî bibo ziwanê fermi, bidomnê. Dilbiharî bale ante nê çî ser o ke ganî vera polîtîkayanê asîmîlasyonî, kurdkî heme waranê cuye de bêro xebitnayene û vat: “Rayberê Şarê Kurdî Abdullah Ocalan destpêkê têkoşînî ra xeylî reyan muhîmîya ziwanî ser o vinderto. Ziwanê ma xeta sûrê yê ma ya. Ewro kurdkî seranserê dinya de sey ziwanêk yeno naskerdene. Dewlete bi metod û hawayêko cîya vera ziwanê kurdkî têgêrena.”
Badê qiseykerdişan, weçînayîş ame kerdene û Evîn Temel û Metîn Can sey hemserekê komeleye ameyê weçînayîş.
