Grûbêka çekdaran eşt dewêka Nîjerya ser. Nê hêrişî de 8ê ci gedeyî, 30 kesî ameyî kiştene. Heta ewro tu kesî yan zî rêxistinêk berpirsiyarîya nê hêrişî nêgirewta xo ser.
Grûbêka çekdaran eşt dewa Narîdonî ya eyaletê Kaduna ser o ke vakurê rojava yê Nîjerya de ya. Ame parekerdene ke nê hêrişî de tewr kêm 30 kesî ameyî kiştene ke înan ra 8 kesî gede yê. Grûba ke bêserûber guleyî varnayê, dima awanî veşnayê. Heta ewro tu kesî yan zî grûbanê rêxistinan berpirsiyarîya nê hêrişî ke cinî, gede û kaleyî hedef girewtê, nêgirewta xo ser.
Vakur rojava û merkezê Nîjerya de, grûbê çekdarî dewan kenê hedef, seba fîdye merdiman remnenê, talan kenê û rîyê nakokîyanê erdî ra hêrişan kenê. Vakur rojhelatê welatî de zî hêrişê vera Boko Haram û Dewleta Îslamî ya Afrîkaya Rojava dewam kenê.
