Şêwirmendê Parlamentoyê Kurdîstanî Seba Karûbaranê Jenosîd û Enfalan Nasir Kirêt ke tewrê Konferansê “Jenosîd û Entegrasyonê Demokratîkî” bîbî, dîyar kerd ke ganî dosyaya Şengalî bibo dosyayêka mîyanneteweyî.
Şêwirmendê Parlamentoyê Kurdîstanî Seba Jenosîd û Enfalan Nasir Kirêt serê dosyaya Şengalî û komelê Êzîdî dîyar kerd ke na dosya zaf muhîma û ey hewl danê bibo dosyayêka mîyanneteweyî û demo nêzdî de mehkemeya mîyanneteweyî ya taybetî bi na dosyaye bêro ronayene, seba komelê Êzidî biresê heqanê xo.
‘Ganî mehkemeya taybete ya mîyanneteweyî bêro ronayene’
Nasir Kirêt balê ante serê viraştişê konferansê Jenosîd û Entegrasyonê demokratîkî û vat: “Na raya verêna badê vîyartişê 12 serran gamêka ereya la cayê xo girewta. Hêvî kena ke konferans her serre virazîyo û taybetî seba nê şarî tîya de bêro viraştene. Muhîmîya viraştişê konferansêk Şengal de, cayê qurbanîyan de, cayê xelasnayîşî de, cayê goranê komî de, muhîmîya xo esto. Seba ke tayê meymanî dûrî Şengalî ra ameyê. Ewro waştişê ma, pageye Şengalî û perîşanîya qurbanîyan bi çimanê xo bivînê. Tesîr serê înan de keno û nê kesî lobîyêke seba dosyaye êzîdîyan kenê. Ti pê bihesî, bivînî û biwanê yewbînî ra cîyayê. Ti ey wextî nêciwîyayê, bê bi çimanê xo bivînê , bizanê çi qewimîya û goranê komî bivînê. Şengalê xirabeyî bivîne. Reng û sîmayê şarî bivîne, nînanê ke xoverdayîş kerdo û bedêlî dayê tîya de bivîne. o do hîna zêde tesîr serê to de bikero û hîna zêde karê lobî seba na dosya bikero. Na muhîma û ma hewl danê biba dosyayêka mîyanneteweyî û demêko nêzdî de mehkemeya mîyanneteweyî ya taybete bi na dosyaye bêra ronayene. Şengal de viraştişê konferansî muhîm o.”
‘Na xebate seba cigêrayoxan bena çimeyê Jenosîdî’
Nasir Kirêt qiseykerdişê xo wina dewam kerd: “Jenosîdêko wina gird, sucêko pîl ameyo kerdene. Jenosîd ti wext bi komkerdişê belgeyan, hîkayeyan, çîyêke ameye cuyene û mojnayîşê bedêlan netîce nêgîno. Ti peynî de nê qiseykerdişê ke tîya yenê kerdene, çap kenê û danê dinya û vanê konferansêk Şengalî de na babete ameye munaqeşekerdene. Badê ra netîceyanê konferansî vejenê. Xeylê cigêrayoxî dinya û xeylê cayanê dinya de yê ke cigêrayîş serê dosyaya Êzîdîyan de kenê, ey do na kilmîye xo rê bigîrê û bikerê çime seba cigêrayîşan û karanê xo yê girêdayê Jenosîdî.”
‘Hema zî akûbeta 2 hezar kesî nêyena zanayene’
Peynîya qiseykerdişê xo de Nasir Kirêt ard ziwan ke seba mojnayîşê sewîyeya jenosîdî û belgekerdişê ey muhîmî tim bi çalakîyanê winayînan esta û rojêke pêşkêşê mehkemeya mîyanneteweyî bêro kerdene û vat: “Seba ke heta nika Jenosîd keno. Hema zî vera komelê Êzîdî jenosîd yeno kerdene. Hemazî akûbeta 2 hezar kesî nêyena zanayene. Seba naye çalakî û konferansî ganî tim bêrê viraştene.”
