Fînalê Kupaya Dinya de Spanya û Arjantîn ameyê hemverê yewbînan, Spanya Arjantîn binvist û bîye şampîyonê futbolî yê Kupaya Dinya.
Kupaya Dinya ya 2026î ke bi mêmandarîya Kanada, Meksîka û Dewletanê Yewbîyayeyan ê Amerîka (DYA) ameye viraştene, qedîya. Tarîx de raya verên a ke 48 taximê neteweyî tewrê turnuva benê û 104 maçî yenê kaykerdiş. Turnuva bi maçê Meksîka û Afrîkaya Başûr 11ê hezîrane de dest pêkerd.
Trump bi helîkopter ame stadyûm
Fînalê Kûpaya Dinya de Spanya û Arjantîn Stadê New Jersey ê New Yorkî de ameyê hemverê yewbinan. 80 hezarî ra zêdeyêrî terefgiranê Arjantîn û Spanya trîbunan de cayê xo girewt. Serekê DYA Donald Trump maçî ra ver bi helîkopter ame stadyûm.
Badê 16 serran Spanya reyna kupaya dinya girewt
Verê ke maç dest pê bikero kaykerdişê reqsî ame nawitene û deyîrî ameyî vatene. Badê wendişê marşê neteweyî yê her di welatan maçî dest pêkerd. Dewreyo yewin 0-0 qedîya. Her di taximan zî dewreyo dîyin de bi vurîyayîşê futbolbazan waşt ke serbikewê, serdestîya Spanya heta peynîya maçî zî dewam kerd la skor nêbedîlîya maç 0-0 qedîya. Maç 30 deqîqe bi derg.
Serdestî û têkoşînê taximê Spanya deqîqeyê 106î de bi golê Ferran Torreasî 1-0 ser kewt. Badê golê Spanya, Arjantînî cehd kerd ke skor bivurno la ser nêkewt, wextê dergbîyayîşê maçî de fulbolbazêk Arjantînî karto sûr dî û taximê Arjantînî bi des kesan dewam kerd û maç 1-0 qedîya û Spanya badê 16 serran reyna bîye şampîyonê Kupaya Dinya.
Badê maçî stadyûm de merasimê girewtişê kûpa ame viraştene. Kaykerdoxanê Spanya bi kêfweşîyêka girde kupa girewt.
