Meclîsê Cinîyan ê Partîya Têduştî û Demokrasî ya Şaran (DEM) û temsilkarê rêxistinanê cinîyan Meclîsî de beyanat da û va ke polîtîkayê AKP’yî wazenê cinîyan bênasname bikerê û înan polîtîkaya ke cinî sey ferdê cuye nêvînena, red kerd.
Meclîsê Cinîyan ê Partîya Têduştî û Demokrasî ya Şaran (DEM PARTÎ) û rêxistinê cinîyan pîya derheqê planê “Serra Keyeyî” û hêrişanê de ke heqanê cinîyan ser o yê Meclîsî de beyanat da. Beyanatî de ame vatene ke “Ma polîtîkaya îqtîdarî ya ‘Serra Keyeyî’ red kenê û vanê ke ma do serra 2025 sey ‘Serra Cinîyan’ îlan kenê.
Parlamentera DEM Partî ya Amedî Adalet Kaya beyanatî de va: “Polîtîkayê îqtîdarî yê keyeyî wazenê cinîyan bênasname bikerê. Ma ê polîtîkayê ke cinî sey ferdê cuye, sey dinamîkê cuye nêvînenê û tena sey çîyêkê ke girêdayeyê keyeyî yê vînenê, red kenê.”
Kaya qiseykerdişê xo wina domna: “Cinî heqê xo, nasnameyê xo û seba estbîyayîşê xo têkoşîn danê û ma do vengê înan berz bikerê. Cinî do bibê rayberê demokratîkbîyayîş û rayberê aştî.”
