Mîtîngê Amedî de Hemserekê DEM Partîye Tuncer Bakirhan aşkera kerd ke Abdullah Ocalan zerrî û hêvîya bi mîlyonan o, no ser şima nêeşkenê Ocalan binê tecrîdî biqefelnî û va: “Wa Ocalan û şarê Amed bêro têhet, no ser reforman bi lezî bivirazê.”
Amed de bi rayberîya DEM Partî û DBP’î mîtîngê “Seba Aştîye, Azadîye” ame viraştêne. Warê mîtîngî ra bi hezaran merdimê herikyayê. Verê mîtîngî, warê mîtîngî ra bi hezaran merdimê bêmîyan siloganan qirayê û pankartê “Jin, jiyan, azadî, dem dema serkeftinê ye” akerdê û meşîyayê. Dayikê Aştiyê zî bi laçikê xo yê sipî beşdar meşî bîyê.
Cinîyê zanîngehî pankartê “Heta Serok azad nebe, aştî şaşitî ye” akerdê, meşîyayê. Teberê şaristanî ra zî zaf hûmarî de merdimê seba mîtîngî ameyê, beşdarê mîtîngî bîyê, bi cil û bergê xoserî zî xo xemilnayê.
Mîtîng de Hemserekê DEM Partîye Tuncer Bakirhan zî qise kerd û va: “Birêz Ocalan se keno? Wazeno wa Amed azad bibo, îradeya Amedî ra qeyûm nîro eştiş, sêrtijan bi nasnameyê xo wa biciwê. Birêz Ocalan seba kurdan nê heme welatijê Tirkîya rê xebityeno, çimkî wazeno Tirkîya wa demokratîk bibo. Kurdan wa ziwanê xo, bi azadîye qise bikerê û wa Amed, amedijan do îdare bikero. Wa Tirkîya bi aştîya, herême de welatêko bi hêz bibo. Birêz Ocalan nika nexşereya azadî û aştîye hadre keno.”
Wa biba girewa aştîye
Bakirhan wina domna: “Ocalan zerrîya û hêvîya bi mîlyonan o, no ser şima nêeşkenê Ocalan binê tecrîdî biqefelnî. Wa Ocalan û şarê Amed reyde bêro têhet, no ser reforman bi lezî bivirazê. Ma do hetanî Girewa Îmraliyî do girewa aştîye bikê ma do têkoşînê xo bidomnê.”
