Roniştişo 7. ê dewaya fihûşî ya Şirnexî ke leşkerê tirkî tede yenê muhakemekerdene, Mehkemaya Cezayanê Giranan a Şirnexî ya 3. de ameye viraştene. Cinîya bi nameyê H.S ke maruzê tecawizî bîya, avûkatê aye û avûkatê kesana ke yenî muhakemekerdene, roniştişî de amade bîyê.
Badê tespîtkerdişê nasnameyan, H.S. heqê qiseykerdişî girewt û îfadeyê xo yê verênî yê ke dozgerî de dabi, reyna tekrar kerd. Badê îfadeyê H.S., avûkatê kesanê ke yenî muhakemekerdene zî waşt ke kêmaneyê zereyê dosya de bêrê temamkerdene.
Heyetê mehkema ferman da ke Îbrahîm Tatar û Emrullah Baysal roniştişê bîn de tewrê roniştişî bêrê kerdene û roniştiş taloqê 7ê teşrîna verêna 2026î kerd.
