Şirnex- Herêma Sefîne ya Cûdî de welatijê ke waştêne şorê serê cayê keştîya Hz.Nûhî la rastê astengkerdişê eskeran ameyî û welatîijan vera na rewşe reaksîyon mojna û bendê eskeran şikitî
Herêma Sefîne ke kewena hetê Koyê Cûdî û yena vatene ke keştîya Hz. Nûh tîya de ronaya, serra ra rojêke destûr yeno dayene ke hetê welatijan ra bêro zîyaretkerdene. Bi hezaran welatî merkezê Şirnex, qeza û şaristanê dorûverî, verê xo dayo Herêma Sefîneye rayîr de perîşan bîyî.
Welatijê ke waştêne şorê Herêma Sefîne hetê eskeran ra ameyî astengkerdene û welatijan ra ameya vatene ke heta programê walîtîyê Şirnexî ke o zî Herêma Sefîne de yo, nêeşkenê şorê cayê Keştîya Hz. Nûh. Naye ser welatijan reaksîyon mojna û bendê eskeran şikit û şîyê serê Herêma Sefîne.
Wexto ke welatijî resayê Herêma Sefîne rastê Serekê Meclîsê Tirkîya Nûman Kûrtûlmûş ameyî û reaksîyon mojna organîzasyonê Vîrardişê Hz.Nûh ê ke hetê Walîtîya Şirnexî û Şaredarîya Şirnexî ra ameyene rayraberdene da.
