Rejimê Îranî seba Ayetullah Hamaneyî yo ke operasyonanê Îsraîl û DYAyî de 4 aşmî verê amebî kiştene, ewro seba merasimê cenaza 3 rojî şîno fermî îlan kerd.
Merasimê cenazaya Hamaneyî yo ke vizêr dest pêkerdo do 9ê temmuze de biqedîyo, la do temamê Îranî de 40 roj çalakîyê vîrameyîşî dewam bikerê. Şerê ke Îsraîl û Dewletanê Yewbîyayanê Amerîka (DYA) vera Îranî de dabî dest pêkerdene de, Îran de xeylê rayedar û fermandarê Rejimê Îranî, Serekê Dînî Ayetullah Alî Hamaney zî ame kîştene.
Şer de leşker û hêzanê rejimî ra zêdeyê 3 hezar û 500 kesî ameyî kiştene, zêdeyî 26 hezar û 500 kesî zî birîndar bîyî. Do mesaj bido DYA û Îsraîlî Cenazaya Serekê Dînî yê Îranî Ayetullah Hamaneyî nika Meqberê Pîl ê Tehranî de yeno nîşandayene.
Cenaza do 9ê temmuze de roja Pancşemeyî Meşhed de bêro wedaritene.Yeno pawene ke do bi mîlyonan kesî, rayedarê dewletan tewrê cenazaya Hamaneyî bibê. Rejimê Îranî bi cenazaya Hamaneyî wazeno ke bi mîlyonan welatijan kom bikero û vera Îsraîl û Amerîka de hemverî gur bikero.
Baldar o ke seba nê rejimî 4 aşmî yo cenazaya Hamaneyî defin nêkerda û wextê vindertişê pêkewtişan de nê merasimî virazeno. Do 3 rojî bêro mojnayene Merasimê Cenazaya Hamaneyî ewro Tehran de dest pêkeno û do merasimê cenaza 6 rojî dewam bikero. Cenazaya Hamaneyî do 3 rojî platformêko berz de bêro nîşandayene. Cenazaya Hamaneyî do cayê ke ameyo dinya, Meşhed de Meqberê Îmam Rezayî de bêro wedaritene. Do çalakî û yadkerdişê Hamaneyî temamê Îranî de 40 roj dewam bikerê.
