Cagirê Hemserekanê Pêroyî yê DEM Partî Tayîp Temel vera girewtişê keyepel û hesabanê X’î yê çapemenîya Kurdkî nerazîbîyayîş mojna û wina vat: “Demêko de ke ma tede behsê demokrasî û azadîye kenê, sansurê serê çapemenîya Kurdkî ya ke seba çareserî weşangerî kena, dano mojnayene ke çaresernêkerdişî de israr dewam keno.”
Keyepel û hesabê X’î yê ajansê ma, keyepelê rojnameyê Azadîya Welatî û hesabê X’î yê Nûmedya24î û hesabê X’î yê Ajansê Berûyî hetê BTK’yî ra ameyî astengkerdiş. Nerazîbîyayîş û şermezarkerdişê vera sansurê serê çapemenîya Kurdkî dewam kenê.
‘Çaresernêkerdişî de israr dewam keno’
Cagirê Hemserekanê Pêroyî yê DEM Partî yo ke Çapemenî û Propaganda ra Berpirsiyar o, Tayîp Temel ajansê ma rê qisey kerd û vera sansur û astengkerdişê keyepelanê çapemenîya Kurdkî nerazîbîyayîş mojna. Tayîp Temelî îfade kerd ke nê prosesî de sansur û astengkerdişê keyepel û hesabanê X’î yê çapemenîya Kurdkî nêyeno qebulkerdiş û wina vat: “Demêko de ke ma tede behsê demokrasî û azadîye kenê, sansurê êser çapemenîya Kurdkî ya ke seba çareserîye weşangerî kena, dano mojnayene ke çaresernêkerdişî de israr dewam keno.”
