Xidir Çîçek o Demenanij, eşîra xo 1938î de zaf heşîrîye dîyo. Dewane Dêrsim de zaf fetelîyo kotte ke heşîrîye, tengîye bîyo kokumane verênan ci rê qisey kerdo. Meseleye Xelig Beg ser o wina vano: “Xelil Beg Koroglî yo, Mire Bolî Begî yo.”
Xidir Çîçek, weşîya xo Mamekîye de ramneno. Eşîra xo 1938î de zaf heşîrîye dîyo. Xeylê wextî yo ke dewanê Dêrsim de fetelîno, qomê xo 1938î ra raver kotî de mendo, çi heşîrîye dîyo, 1938î ser zaf qisey kokimane xo de pêhesîyayo; veşnayîşê dewan, barkerdiş, çi ke welat ser ameyo, perûne sarê xo rê vila keno. Xidir Çiçek, 1905î de dewa Feme de kiştene Xelil Beg ser o çîyê ke pêhesîyayo ma reyde pare kerd.
‘Xelil Beg sare xo rê zaf merdîmêdo rind bîyo’
Xidir Çîçek, Xelil Beg û Mirî ser o wina vano: “Nameyê na dewa Femî yo, dewa Xelîl Beg a. Verên de girêdayeye Dêrsim bî, nika girêdayeyê Yedîsuya Çewlîgî ya. Xelil Beg Çarekiz o, çira vanê Beg, Kirmanckî de jûye ke ci ra hes kenê, vanê Beg. Na dewa, dewa Mîrî ya. Mirî rê çe Şewşen Beg vanê. Pîlemûrîye de 368 dewê xo bîyê. Dewîjî mîrî bîyo, morebe mîrî bîyo, perûne gurîne, wexto ke Payîz bi, Cûyîn de bare jede Mîr ceno. Şewşen Beg ke mireno, caye dî biraye pil Heyder Beg gêno. Heyder Beg zulumkar beno. Peyê Heyder Begî de dewlete est a, dewlet çira Mirligî da ci, çi xiravinîye ke est a keno. Sare Feme Xelil Beg ra hes keno. Hurdemena benê dismenê jûmîn. Naye ra tepîya jûmîn fetelnenê. Heyder Beg, Eşîra Sûrî ra xeber rûşneno, bêrê Xelil Begî wedarîme, Xelil Beg neqîyen keno. Xelil Beg, seba Mir cayê xo vurneno. Wazeno ke Mir bikişo. Mîr zaf fetelneno. Zaf cayî de kincanê xo vurneno ke, Mîr ey nas mekero. Çend rey ke sono leyê Mîr, bese nêkeno Mir bikişo. Le Mire de lajek bîyo, seba xatirê lajekî towa nêkeno. Mîr zaneno ke Xelîl Beg nêvindeno. Ci rê xeber rusneno, endî na dismenîyen caverdîme.”
‘Mîr de xayînîye meke Xizir beno dismenê to’
Xidir Çîçek peynîya qiseykerdîşê xo de de wina vano: “Xelîl Beg û Mîr sonê Koyê Jîyare Bagire de Musayîben cene. Mîr nêvindeno. Vano ke kam ke Xelîl Beg kişt çêneke xo dan ci. Mîre Şînîye Awe de qurban keno Xelil Beg keno mêman. Mordemê xo Meme Îlyaş ra vano ke, Xelîl Beg bikîşe, çêneka xo dana to. Xelîl Begî kişenê. Aye ke Xelil Beg kişeno cîre nêmaneno. Meme Îlya zerne Mîrî tireno, vinene dane kîştene. Wext yeno çerme Mîr beno gul, dez ra mireno. Mir Bege Bolî yo, Xelil Beg Koroglîyo.”
