Şaredarîya Sûrî, seba xebatkaranê xo bi lehçeya kîrmanckî ya Kurdkî kurs da destpêkerdene.
Şaredarîya Sûrî ya Amedî, çarçewaya nêzdîbîyayîşê şaredarîya zafziwanî perwerdeyanê ziwanî yê seba xebatkaranê xo domnena. Bi eyn nêzdîbîyayîşê zafkulturî û zafziwanî yê qeza, xebatan de ke yenê rayraberdene, dimayê perwerdeyanê lehçeya kurmancî ke ameybî destpêkerdene, nika zî reya ewiline seba kîrmanckî (zazakî) dersî ameyê destpêkerdene.
Hemşaredarê Şaredarîya Sûrî Fatma Gulan Onkol û Adnan Orhan û xebatkarê şaredarî awanîya xizmetî ya şaredarî de beşdarê dersa ewiline bîyî. Bi nê kursan amancê înan o yo ke xebatkarî, welatîyanê qeza reyde bi ziwanê dayîke hîna xurt, asan û weş têkîlî ronê û nêzdîbîyayîşê xizmetê zafziwanî yê şaredarî hîna gird û xurt bibo.
