Sîyasetmedarê Kurd Omer Onen dîyar kerd ke ê wazenê bi na hemleye “Aştî û Azadîye” dayê destpêkerdiş, şar binê nê şerê psîkolojîkî ra bixelesnê û va: “Birêz Ocalan û şar amede yo, şar birêz Ocalan û partîya xo bawer o.”
Heyetê ke wekîlê DEM Partîye Pervîn Buldan û Sirri Sureyya Onder pê yeno 28ê Kanûna 2024î û 22ê Çeleyê de Hepisxaneyê Tîpa F yê Îmraliyî bi Rayberê PKK’î Abdullah Ocalan rê pêvînayiş pê ardê. Dima pêvînayişê Abdullah Ocalan reyde pê ame, bi rayberîya DEM Partîye û DBP şaristanê Kurdistanê Bakûrî û Tirkîya de kombîyayişê şarî bi siloganê “Kombîyayişê Aştîya Komelî û Azadîye” yenê viraştêne. DEM Partîye û DBP eynî demî de nê kombîyayiş dayê destpêkerdiş de derheqê pêvajoye de zî şar agahdar kenê û seferberîya rêxistinî dayê destpêkerdêne. Amed zî do roja 8ê Sibate de mîtîng bêro viraştêne. Her wina do şaristanê Mersîn de zî mîtîng bêro viraştêne.
Sîyasetmedarê Kurd Omer Onen derheqê hamleyêke dayê destpêkerdiş de qise kerd.
Rojhîlato Mîyanên newe ra yeno dîzaynkerdêne
Omer Onen destnîşan kerd ke ê mal bi mal, dew bi dew bi şarî rê yenê tehêt û wina vat: “Rojhîlato Mîyanên newe ra yeno dîzaynkerdêne, nameyê şerê dinya yê hîrêyine yeno namekerdêne. Her kes hetê rêxistinî, komelî de xo birêxistin keno. Ma zî sey DBP û DEM Partî pêvînayişê Birêz Ocalan kêfweş ê. Raştî zî demêko derg ser Birêz Ocalan û ser komelî tecrîd estbî, şarê ma komelê ma nêeşkîyaynî cîfêk bigo. Seba pêvînayiş, rewşa Rojawan û qewimiyayişo tewro peyênî ma wazenê bi şarê xo rê rî bi rî bêrê têhet, şîrove û waştişê înan bigê, pîya problemê çaresere bikê. Ma hemleya seferberîye, komelî û rêxistinî dayê destpêkerdêne. Ma wazenê na hamleye, şero psîkolojîk ser şar, komelî yeno averberdiş, hawanê. Ma wazenê bi serkewte binê na pêvajoye bivejîyê.”
Birêz Ocalan her dem vano aştî û demokrasî
Omer Onen vîr ard ke mesajê Abdullah Ocalan her tim ser aştîye û demokratîkbîyayişî yê û qiseyê xo wina domna: “Birêz Ocalan her dem mesajê xo de vengê aştî û demokrasîyêka mayînde keno. Birêz Ocalan serrê 92î ra ewro şîrove û fîkrê xo zelal aneno ziwan û wazeno aştîya komelî pê bêro û komeleyêko demokratîke bêro awankerdêne. Birêz Ocalan tewro peynî vatbî ke ‘hewteyêk bidê mi, ez do persgirêke çareser bikera.’ Nika zî pêvînayişê peynî de Birêz Ocalan vano ‘ez hetê felsefîk û teorîk de hadre ya. Hêzê mi yê çareserîye est o’ şar Birêz Ocalan bawer keno.”
Şarê kurd hadre yo
Omer Onen da zanayiş ke şarê kurd amade yo seba çareserkerdişê problemê kurd û wina domna: “Birêz Ocalan pawitişê xo de zî her dem ardo ziwan, xususî zî pradîgmaya newe de cuya pîya ya newe ya. Ma vînên demêko derg nê 50 serrê bedel yenê dayêne, gonî yeno rijnayiş, mabenê şaran de. Ma vanê şarê kurd amede yo ke eke dewlet zî zerrî ra nêzd biba, do ameyox de zî cuyayêka azad û demokrake ya pîya bivejo werte.”
