Hemserekê DBP’î Keskîn Bayindir ser hesabê xo yê X’î serrgêraya erdlerzî rê mesajêk pare kerd û mesajê xo de wina va: “Ganî no felaketî ra ders bêro girewtêne, ma bi hezaran kesê vînî kerdê la ma xatirayê înan vîra nêkê. Wezîfeya ma esil, bi plankerde vergirewtişanê xo caardiş o.”
6ê Sibata 2023î de bi merkezê Mereşî 2 erdlerzê gird pêameyê. Erdlerzo yewin saet 04.17 de bi dereya 7.8î pêame û erdlerzo diyin zî bi dereceya 7.5î pêame di nê erdlerzê de bi fermî 50 hezarê ra zêde kes cuya xo dayê la goreyê nê fermî zî 300 hezar kesê ra zêde merdim cuya xo dayê. Nê erdlerzî ra 11 şaristan û xususî zî Mereş, Hatay, Meletî, Semsûr zirarê gird dîyê. Çi heyfo ke hem dejê hem zî problemê welatijan herêmê erdlerzî de domyenê.
Pergalêko helisyeya est o
Hemserekê DBP’î Keskîn Bayindir ser hesabê xo yê X’î seba serrgêra Erdlerzê Mereşî rê mesajêk pare kerd. Mesajê xo de Keskîn Bayindir va ke kesê ke erdlerz de cuya xo vînî kerdê, ê bi hesretî înan yad kenê û mesajê xo de wina domna: “Çi heyfo ke Erdlerzê 6ê Sibate de rîyê îxmalî ser o bi hezaran kesê cuya vînî kerdê. No zî netîceyê destgirewtişê tarzê rant û îxmalkarîye rê qewimya. Nika pergalêko helisyeya est o. No erdlerz de tena canê ma nê, organê sîyasî yê îqtîdarî zî binê erdî de mend.”
Bayindir tewro peynî mesajê xo wina qedîna: “Ganî no felaketî ra ders bêro girewtêne, ma bi hezaran kesê vînî kerdê la ma xatirayê înan vîra nêkê. Wezîfeya ma esil, bi plankerde vergirewtişanê xo caardiş o.”
