Hemsereka DBP’î Çîgdem Kiliçgun Uçar ser hesabê xo yê X’î seba serrgêra Erdlerzê Mereşî rê bi kirmanckî mesajêk pare kerd. Uçar mesajê xo de wina va: “Na bêtere de êyê ke rantweran rê “efê awanî” da, mesuldar ê. Na bêtere de êyê ke banan ra malzeme tirt, mesuldar ê.”
6ê Sibata 2023î de bi merkezê Mereşî 2 erdlerzê gird pêameyê. Erdlerzo yewin saet 04.17 de bi dereceya 7.8î pêame û erdlerzo diyin zî bi dereceya 7.5î pêame di nê erdlerzê de bi fermî 50 hezarî ra zêde kes cuya xo dayê la goreyê nê fermî zî 300 hezar kesê ra zêde merdim cuya xo dayê. Nê erdlerzî ra 11 şaristan û xususî zî Mereş, Hatay, Meletî, Semsûr zirarê gird dîyê. Çi heyfo ke hem dejê hem zî problemê welatijan herêmê erdlerzî de domyenê.
Her tim menfaetê xo pawitî
Hemsereka DBP’î Çîgdem Kiliçgun Uçar zî ser hesabê xo yê X’î seba serrgêra Erdlerzê Mereşî rê bi kirmanckî mesajêk pare kerd.
Mesajê Çîgdem Kiliçgun Uçare wina yo:
“Ma hema zî dejê erdlerzê 6ê Sibate bi hawayêko xorî anjenê. Bi hezaran kesî rîyê peygoşîya nê îqtîdarê rantwerî ra merdî.
Kes nêvajo ke na bêtere bêtera xozayî bîye. Ma rind zanîme ke nê talankeran têna menfaetê xo pawitî û şar neçar verda.
Na bêtere de êyê ke rantweran rê “efê awanî” da, mesuldar ê. Na bêtere de êyê ke banan ra malzeme tirt, mesuldar ê. Na bêtere de êyê ke bînayanê xeripîyayeyan rê ruxset da, mesuldar ê.
Ma nê îqtîdarê xeripîyayî caran ef nêkenê. Ma do qetî hesabê gananê ke binê xirbeyan de mendî bipersê. Ma pêro ganan bi rêzdarîye anê xo vîrî. Wa ê hertim mîyanê roştîyan de rakewê.”
