Wûşên Sagdiç o Sewregij, 50 serrîyo yo ke şiwanetîye keno. Zafê na şiwanetîye zî koyanê Dêrsim û Erzinganî de verda ra. Nika endî bîyo kokim. Hetê de çetinîya karê şiwanetîye ser hetê de zî rindekîya xoza û koyan ser vindeno, wina vano: “Hewayê koyan weşo, la karê şiwanetîye zaf girano, şew û roj, gilê gazê koyan de vesan û têşan benîme hêsîr.”
Koyê Welatê Dêrsimî de vileşîye wewre û şîlîye wisarî re tepîya xoza bîya zelal û delal. Endî ameyene Amnan de ware bena gewe, bena weşîye. Nê waxtî de Çemîşgezek û Pertag ra Şafaxcî deware xo bene ware Îksor. Mesîne xo, varek û kavire xo bene çîraynene. No waxt de xeylê şiwaneyî yene Wareye Dêrsim. Mîyanê nê şiwaneyan de jûye esto ke Çewres serrî yo ke şiwanî keno. Dewa xo Gele Bîtû ya ke girêdayeya Sêwregi ya. Keweno raye sono wareye dewa Îksor de kaviran çerêneno. Ameyo hewtay serre hema kî şiwanîye keno. Sodir û peşewe koye de, ware de kaviran çerêneno, qefelîno gegane vesan û tesan gegane bê hewn manen o. Wûşen Sagdıç, ma re giranîye kare şiwanîye ser qisey kerd.
‘Koyan de bê embaz nêbeno’
Wûşen Sagdıç, seba kare xo wina vano: “Ma Sêwregi ra ameyîme. Nameyê dewa ma Gele Bîtû ya. Ameya şiwanîye kena. Koyê îtayî berze, kaşo, tiro. Kare şiwanî giran o. Vejîyena koyan û şîyane ma zaf qefelneno. Şîlîye esta, vesanîye esta, bê hewn manenîme. Pancas serrî yo ke ez şiwanî kena. Xozaya îta rindeka. Di sey kavir çerênena. Meşîn rindo, giran giran çereno. Kavir wina nîyo ke caye xo de nêvindeno.”
‘Zehmetîya şiwanîye zaf ê’
Wûşen Sağdıç peynî qiseykerdîşê xo de wina vat “Hîre aşmî ware de manenîme. Sodîr û pesewe ra wirzena, peroj peşewe kavir de fetelêna. Des rojî cerde manena, tepîya şona Merga Çeqer. Hetanî Payîze veren manena. Zehmetê xo zaf o. Sebikerî deste ma ra towa nîno.”
