DBP û DEM Partî do 9ê sibate de Mêrsîn de mitîngê “Azadî Seba Aştî” organîze bikerê. Semedê mitîngî, vengdayîşê tewrbîyayîşî ame kerdene.
Partîya Herêmanê Demokratîke (DBP) û Partîya Têduştî û Demokrasî (DEM Partî) do 9ê sibate de Mêrsîn de mitîngê “Azadî Seba Aştî” organîze bikerê. Mitîng do verê Stadyuma Tevfîk Sirri Gurî yê verê qezaya Akdenîzî bêro organîzekerdene. Seba tewrbîyayîşê mitîngî, vengdayîş ame kerdene.
Awanîya DEM Partîye ya Mêrsînî de eşkerayîyêk ameye dayîş. Hemsereka DEM Partî ya Şaristanî Bedriye Kuş dîyar kerd ke înan startê xebatanê mitîngî dayo û vengdayîşê tewrbîyayîşî kerd.
Serekê Komîteya Amadekarî yê Mitîngî Emrûllah Şan zî dîyar kerd ke amadekarîyê înan ê semedê mitîngî temam bîyî û venga her kesî da ke semedê waştişê xo yê aştîye bêrê meydanê mitîngî.
