Bi waştişê azadîya Rayberê Şarê Kurdî Abdullah Ocalanî 27-28ê hezîrane de do Amed, Stenbol, Wan û Mersîn de Mîtîngê Azadîye bêrê kerdene. Programê mîtîngan ame eşkerakerdene.
Bi waştişê azadîya Rayberê Şarê Kurdî Abdullah Ocalanî 27-28ê hezîrane de do Amed, Stenbol, Wan û Mersîn de Mîtîngê Azadîye bêrê kerdene. Mîtîngê ke do bi sloganê “Bi Rayberîya Azade Ver bi Komelê Demokratîkî” qiseykerdox û hunermendê ke do tewrê ci bibê, nameyê înan ameyî zelalkerdene.
Wan û Mersîn de do 27ê hezîrane de û Amed û Stenbol de zî do 28ê hezîrane de mîtîngî bêrê kerdene.
Mîtîngê Wanî ke do Warê Newroze de bêro kerdene, Hemserekê Pêroyî DBP’yî Keskîn Bayindir û aktîvîsta TJA Sebahat Tuncele do sey qiseykerdoxan tewrê ci bibê. Çarçeweya mîtîngî de Koma Amed, Sîmyager û Beser Şahîne do vejîyê sehne.
Mîtîngê Mersînî ke do Baxçeyê Şarî yê qezaya Yenişehîrî de bêrê kerdene, Hemsereka Pêroyî ya DEM Partî Tulay Hatimogullari û Çetîn Arkaş tewrê ci bibê. Aktîvîte de do hunermendî Eylul Nazlier, Ronî Artîn û Arhat vejîyê sehne.
Mîtîngê Amedî ke do Meydanê Îstasyonî de bêro kerdene, do saete 17:00 de bêro destpêkerdene. Hemsereka Pêroyî ya DBP’yî Çîgdem Kiliçgun Uçare û Veysî Aktaş sey qiseykerdoxan tewrê ci bibê. Hunermendî Pinar Aydinlar, Kadîr Çat û Serhado do vejîyê sehne.
Mîtîngê Stenbolî ke do Meydanê Bagcilarî de bêro kerdene saete 16:00 de bêro destpêkerdene. Hemserekê Pêroyî yê DEM Partî Tuncer Bakirhan û vervatoxa partî Ayşegul Dogane do sey qiseykerdoxan tewrê ci bibê. Program de do Agirê Jiyan û Tara Mamedova vejîyê sehne.
