DEM Partî serrgêra qirkerdişê 5ê hezîrane ya 11. de eşkerayîyêka nuştekî daye û waşt ke heme berpirsê qirkerdişî bêrê muhakemekerdene.
DEM Partî serrgêra qirkerdişê 5ê hezîrane ya 11. de vera mîtîngê HDP’yî Meydanê Îstasyonî yê Amedî de hesabê xo yê medyaya dîjîtalî ser o eşkerayîyêka nuştekî vila kerd.
Eşkerayî de DEM Partî qurbanîyê qirkerdişî vîr ard û wina vat: “Dejê nê hêrişê ke vera hêvîya cuyêka hempare ra bî ya şarî û aştî, hema zî zerrîya ma de yo. Cigêrayîşê ma yê edaletî sey roja ewiline dewam keno. Hetanî heqîqet nêvejîyo meydan û heme berpirsê bêrê cezakerdene, seba ke dejê winayînî nêrê ciwîyayîş ma do têkoşînê xo bidomnê.”
