Hûmara 268îne ê Rojnameya Xwebûn bî manşeta “Gavên şênber lazim in” vejîya.
Rojnameyî na hûmara xo de bale ante serê nakokîyanê dewlete ke vera mesajê Rayberê PKK’yî Abdullah Ocalan û polîtîkayê ke teberê çareserkerdene yê.
Rojnameyê Xwebûnî na hûmara xo de serê polîtîkayanê dewlete yê şerî yê qeyûmî yê girewtene û destbendkerdene vindert. Rojnameyî sermanşetî de zî bi ziwanê kirmanckî ca da sernuşteyê “Dewlete tîtikê dizdan a” û bale ante serê nêzdîbîyena dewlete ya qeyûman.
Rojnameyî binê manşetî de zî bi şernuşteyê “Abulansan bombe kenê” bale ante serê hêrişanê Dewleta Tirke ke vera xizmetkaranê weşîye û ambulansan da zanitene ke 8ê çileyî ra heta nika 5 ambulansî bîyê hedef. Rojname pelê têdîyayişî de zî ca da nirxnayişê Hemsereka MEBYADER’î yê Mardînî Gurbet Tekîne ke derheqê nêzdîbîyena dewlete ya ke vera çaresererîye û nêzdîbîyena Rayberê PKK’yî Abdullah Ocalanî ya çareserîye ameyo nirxnayene. Gurbet Tekîne bale ante serê ziwanê dewlete yê nêyînî û vera ney zî bawerîye est a ke Rayberê PKK’yî Abdullah Ocalan problemî çareser biko.
